ჯო ენის საუნივერსიტეტო ჰოსპიტლის სისხლის ბანკმა ახალ სივრცეში პირველი დონორები უკვე მიიღო.
ევროპის უნივერსიტეტის ძალისხმევით და ფინანსური მხარდაჭერით, ჯო ენის სისხლის ბანკი სრულიად განახლებულ სივრცეში შეუდგა მუშაობას.
გაუმჯობესდა პერსონალის სამუშაო პირობები, შეიქმნა დონორების მისაღები და მოსასვენებელი კომფორტული სივრცეები, განახლდა ტექნიკური აღჭურვილობა, რაც სისხლის ბანკს საშუალებას აძლევს, უფრო მეტი დონორი მიიღოს და შესაბამისად მეტი რაოდენობით დაამზადოს უფრო მაღალი ხარისხის სისხლის კომპონენტები.
ჯო ენის საუნივერსიტეტო ჰოსპიტლის სისხლის ბანკს წლების განმავლობაში ჰყავს მრავალი ერთგული უანგარო დონორი, ვისთვისაც განახლებული სივრცე, კომფორტული გარემო, მაღალკვალიფიციური პერსონალი და თანამედროვე აპარატურა დამატებით მოტივაციას წარმოადგენს.
ჯო ენის საუნივერსიტეტო ჰოსპიტლის სისხლის ბანკს ახალი ტექნიკური აღჭურვილობით შეეძლება ერთდროულად 5 დონორი მიიღოს, რაც შესაძლებლობას გვაძლევს შესაბამისი საჭიროების მქონე უფრო მეტ ადამიანს დავეხმაროთ.
მოგიწოდებთ, იყოთ უანგარო დონორი, გაიღოთ სისხლი, გადაარჩინოთ სიცოცხლე!
დონორობის მსურველებს შეუძლიათ დაგვიკავშირდნენ შემდეგ ნომერზე 577559570
