რა გავლენა აქვს ბავშვებზე ეკრანზე დამოკიდებულებას და რა რისკს ქმნის დიდი დროით ტელეფონისა თუ სხვა ტექნიკის გამოყენება
რა გავლენა აქვს ბავშვებზე ეკრანზე დამოკიდებულებას – საუბრობს ფსიქოლოგი ზურაბ ვახანია “სალომე კასრაძის პოდკასტში”:
„სკოლამდელ ასაკში მოსვენებული ბავშვი ნორმალური მდგომარეობა არ არის. დღეს ყველაფერი ვირტუალური რეალობითაა შეცვლილი. ეს ბავშვს კი არ ავითარებს, პირიქით, აჩლუნგებს, ადუნებს. შედეგად აღარ ვითარდება მისი ნებისყოფა და მისი სოციალური უნარიანობა, ადამიანებთან ურთიერთობის და ენობრივი უნარიანობა…
ადამიანს ღვთისგან ბოძებული ძვირფასი ნიჭი აქვს, – მეტყველება, აზროვნება, ადამიანებთან ურთიერთობა და როდესაც ბავშვი ეკრანსაა მიჯაჭვული, ყველაზე ძვირფასი ნიჭი ჩლუნგდება. ეს ფსიქოლოგიის მხარეა.
იმდენად მძიმე შედეგებია უკვე, რომ საკითხი სამედიცინო დარგში გადავიდა. ჯანმრთელობის მსოფლიო ორგანიზაციას რეკომენდაციები აქვს შემუშავებული, რომ ბავშვისთვის 2 წლამდე არავითარი ეკრანი არ შეიძლება.
სკოლამდელ ასაკში მაქსიმუმი 1 საათია. დღე-ღამეში 1 საათი მაქსიმუმია. სხვა შემთხვევაში, ბავშვი გონებრივად ჩლუნგდება და მისი განვითარება ფერხდება.
ამ ეკრანში მხოლოდ ტელეფონი არ შედის. მათ შორსაა, ტელევიზორი, ლეპტოპი, პლანშეტი, ყველანაირი ეკრანი.“
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
