პირველადი ჯანდაცვის რგოლი, მიუხედავად იმისა, რომ ეს არ არის მაღალტექნოლოგიური კვლევა ან მაღალტექნოლოგიური ოპერაცია, ეს არის ყველაზე მეტად საჭირო და პირველივე საჭიროებისას მიცემული რჩევა მოქალაქისთვის, რომელიც ელემენტარული საჭიროების გადაწყვეტისთვის არის აუცილებელი, – განაცხადა „დღის ქრონიკაში“ ჯანდაცვის მინისტრმა, მიხეილ სარჯველაძემ.
როგორც მინისტრმა აღნიშნა, პირველადი ჯანდაცვა არის ჯანდაცვის რგოლი, რომელიც უზრუნველყოფს ყველზე სწრაფად საჭირო რჩევის მიწოდებას თითოეული მოქალაქისთვის.
„პირველადი ჯანდაცვა გვასწავლის, რა შემთხვევაში რომელ ექიმს უნდა მივმართოთ, რა შემთხვევაში არის აუცილებლობა ჰოსპიტალში წასვლისა, როგორ დავიცვათ თავი ცალკეული დაავადებებისგან, ყველაფერი ეს არის განსაკუთრებით მნიშვნელოვანი“, – დასძინა მიხეილ სარჯველაძემ.
მიხეილ სარჯველაძემ პირველადი ჯანდაცვის რეფორმაზეც ისაუბრა.
„ჩვენ გვაქვს საკმაოდ ამბიციური გეგმა. კარგი პირი უჩანს რეფორმის სრული მასშტაბით დაწყებას, რომელიც იგეგმება მომდევნო წლის დასაწყისში და ვფიქრობ, რომ ჩვენ გვექნება შესაძლებლობა ძალიან მაღალი დონის და შედეგზე ორიენტირებული სერვისები შევთავაზოთ მოქალაქეებს. ეს ასევე გულისხმობს ექიმებისა და ექთნების ანაზღაურების ზრდას.
მომდევნო 4 წლის განმავლობაში ჩვენ დაგეგმილი გვაქვს დაახლოებით 120 მილიონი ლარის დახარჯვა, მაგრამ აქვე უნდა გავითვალისწინოთ, რომ ყველაფერი დადებითად აისახება ჩვენი ქვეყნის მოსახლეობის ჯანმრთელობაზე. თუ ეს ყველაფერი წარმატებით შესრულდება, ეს ნიშნავს უამრავ დაზოგილ თანხას მოქალაქისთვის, სახელმწიფოსთვისაც და რაც მნიშვნელოვანია, ეს ნიშნავს კეთილდღეობას პაციენტისთვის“, – განაცხადა ჯანდაცვის მინისტრმა.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
