ჯადოსნური ხსნარი – ოთხი პროდუქტი რომელიც სხვადასხვა დაავადების განკურნებაში დაგეხმარებათ

„ეს ოთხი ინგრედიენტი საოცრად მოქმედებს ერთად — რეცეპტი ჩემი მეუღლის დიდმა ბებიამ თავისი შვილიშვილისთვის მოამზადა, როცა ის სუსტად იყო და ვერაფერი შველოდა. მაშინ ექიმებიც ვერაფერს ახერხებდნენ. ქრონიკული დაღლილობის სინდრომი ჰქონია. თურმე ეს ნარევი გურიაში ფართოდ იყო ცნობილი: ამზადებდნენ კვერცხის, თაფლის, შაქრის, კონიაკისა და ლიმონისგან. შაქარს იქ მთავარი დანიშნულება ჰქონდა — პროდუქტს არ აძლევდა გაფუჭების საშუალებას. ორი კვირის შემდეგ ავადმყოფი სრულად გამოკეთდა… მაშინვე გადავწყვიტე, რომ ჩემი შვილებისთვისაც მიმეცა — სამ წლიდან ყველას ვაძლევდი.

შემდგომ გაირკვა, რომ კვერცხის ნაჭუჭში მიკროელემენტების ისეთი ბალანსია, როგორიც თავად ადამიანის ორგანიზმში. ნაჭუჭი უნდა დამუშავდეს იმ დონემდე, რომ აპკი უცვლელად დარჩეს — არც ზედმეტად მაგარი და არც ნახევრად დაშლილი. ასეთ ფორმაში ორგანიზმი მასში არსებულ ელემენტთა დაახლოებით 80%-ს ითვისებს. როდესაც მიკროელემენტების თანაფარდობა ნორმაშია, სხეული ძლიერი ხდება — ვერც ვირუსი და ვერც ბაქტერია ვერ ერევა.

გურულებმა განსაკუთრებული ხერხიც მოიგონეს: იღებდნენ ლიტრიან ქილას, დებდნენ 10 ცალ ახალ, 5–7 დღიან სოფლის კვერცხს, ასხამდნენ იმდენ ლიმონის წვენს, რომ მთლიანად დაფარულიყო. ასე იწყებოდა დნობის პროცესი. მაცივარში ნამყოფი კვერცხი არ ვარგა, ისე უნდა იყოს შენახული, რომ ცივი არ იყოს. აგრეთვე, ქათმები არ უნდა იყვნენ ანტიბიოტიკებით გამოკვებილნი. ქილა ინახებოდა ბნელ, გრილ ადგილას 10–14 დღე. ამ დროის შემდეგ ნაჭუჭი მთლიანად ქრება და კვერცხი მხოლოდ აპკში რჩება. ამ დროს საჭიროა სიფრთხილე — მეტალის გამოყენება დაუშვებელია. ლიმონში არსებული C ვიტამინი ხელს უწყობს, რომ ორგანიზმმა ყველა სასარგებლო ნივთიერება უკეთ აითვისოს.

რეცეპტისთვის საჭიროა: 200 გრამი შაქარი უნდა დავამატოთ, მაგრამ მე 100 გრამს ვიყენებ. გოგლი-მოგლი გავაკეთოთ. კარგად რომ ავთქვეფთ, დავამატოთ თაფლი, შემდეგ ქილაში დარჩენილი ლიმონიანი ნალექი ჩავასხათ და კვლავ ავთქვიფოთ. შემდეგ კი კონიაკი. კარგად უნდა ავურიოთ. აუცილებლად მუქ ბოთლებში უნდა ჩავასხათ და მაცივარში შევდგათ. თითო გამოყენების წინ უნდა ავანჯღრიოთ.