მოთხოვნები ხორცისადმი ევროკავშირში
განსაკუთრებული მოთხოვნებია დადგენილი ხორცისა და თევზის რამდენიმე პროდუქტისადმი. ესენია: ხორცის ფარში და ხორცის და თევზის ისეთი ნახვარფაბრიკატები, რომელთაც ერთიანი ნაჭრის/ფილეს შესახედაობა აქვს.
კერძოდ, მკაცრად დადგენილია, თუ რისგან შეიძლება დამზადდეს პროდუქტი, რომელიც იყიდება გატარებული ხორცის/ხორცის ფარშის (minced meat) დასახელებით. ამ პროდუქტის დასამზადებლად გამოყენებული უნდა იყოს მხოლოდ ჩონჩხის კუნთები და მიმდებარე ცხიმი. იკრძალება თავ-ფეხის (გარდა საღეჭი კუნთებისა), ტყავის, შიგნეულის და ძვლების ჩამონაფხეკის, აგრეთვე ე.წ. „მექანიკურად გამოცალკევებული ხორცის“ გამოყენება. დაიშვება სუფრის მარილის დამატება 1%-ზე ნაკლები ოდენობით. იზღუდება ცხიმის და შემაერთებელი ქსოვილის შემცველობაც. ისინი აუცილებლად უნდა მიეთითოს პროდუქტზე და არ უნდა აღემატებოდეს შემდეგ მაჩვენებლებს:
| პროდუქტის დასახელება |
ცხიმი |
შემაერთებელი ქსოვილი შემაერთებელი ქსოვილის წილი ხორცში განისაზღვრება, როგორც კოლაგენის წილი ხორცის სხვა ცილებში. თავის მხრივ კოლაგენის რაოდენობა განისაზღვრება ამინომჟავა ჰიდროქსიპროლინის რაოდენობის გამრავლებით კოეფიციენტ 8-ზე. იხ. VI დანართის ნაწილი B. |
| ხორცის ფარში მჭლე (lean minced meat) |
7% | 12% |
| საქონლის ხორცის ფარში (minced pure beef) |
20% | 15% |
| ხორცის ფარში ღორის ხორცით (minced meat containing pigmeat) |
30% | 18% |
| [სხვა ცხოველის/ფრინველის] ხორცის ფარში (minced meat of other species) |
25% | 15% |
გარდა ამისა, ფარშზე აუცილებლად უნდა იყოს მითითებული, თუ კერძოდ რომელი ცხოველის/ფრინველის ხორცია გამოყენებული მის დასამზადებლად და რა რაოდენობით. კითხვის გაგრძელება…
