ახალი სტანდარტი დიაგნოსტიკაში – ხელოვნური ინტელექტით აღჭურვილი ულტრასონოგრაფიის აპარატი უკვე ჩვენს კლინიკაში.
საუბრობს რადიოლოგი ანდრო ძნელაძე.
სისტემა — Samsung RS85 Prestige დიაგნოსტიკაში სრულიად ახალ შესაძლებლობებს ქმნის. რა უპირატესობები აქვს ამ აპარატთან მუშაობის და რატომ არის ის მნიშვნელოვანი პაციენტისთვის?
ამ კითხვებზე გვიპასუხა კლინიკის წამყვანმა რადიოლოგმა, ანდრო ძნელაძემ.
ბატონო ანდრო, პინეო უკვე სარგებლობს ახალი, ხელოვნური ინტელექტით აღჭურვილი ულტრასონოგრაფიული სისტემით. როგორ შეაფასებდით მის ძირითად უპირატესობებს?
დიახ, ჩვენი კლინიკა უკვე აღჭურვილია Samsung RS85 Prestige-ით — ეს არის პრემიუმ კლასის აპარატი, რომელიც საშუალებას გვაძლევს უფრო ზუსტად, დეტალურად და სწრაფად შევაფასოთ პაციენტის მდგომარეობა.
მისი ერთ-ერთი მნიშვნელოვანი მახასიათებელია Crystal Architecture™ ტექნოლოგია, რაც გულისხმობს უმაღლესი გარჩევადობის მქონე გამოსახულებას. ეს განსაკუთრებით მნიშვნელოვანია რთული დიაგნოსტიკური შემთხვევებისას.
რაში გამოიხატება აპარატის ინოვაციური შესაძლებლობები?
ახალი თაობის ტექნოლოგიები, როგორიცაა MV-Flow™ და LumiFlow™, გვაძლევს საშუალებას დავაკვირდეთ მიკროცირკულაციას — ეს არის სისხლის მიმოქცევა ყველაზე პატარა სისხლძარღვებში.
საინტერესოა, როგორ უწყობს ხელს ეს სისტემა ღვიძლისა და სხვა ორგანოების კვლევებს?
ერთ-ერთი გამორჩეული ფუნქციაა S-Shearwave Imaging™, რაც ელასტოგრაფიის თანამედროვე მეთოდია. ის არაინვაზიურად აფასებს ქსოვილების სიმკვრივეს. მაგალითად, ღვიძლის ფიბროზის შეფასება შეგვიძლია ძალიან ზუსტად და ობიექტურად, რაც მკურნალობის დაგეგმვისთვის აუცილებელია.
აღნიშნეთ ხელოვნური ინტელექტის როლი. როგორ ეხმარება AI რადიოლოგს ყოველდღიურ პრაქტიკაში?
აპარატში ინტეგრირებულია S-Detect™ — ეს ფუნქცია აანალიზებს და ავტომატურად აფასებს ძუძუსა და ფარისებრი ჯირკვლის პათოლოგიებს. მას შეუძლია მიანიშნოს პათოლოგიურ ნიშნებზე, რაც რადიოლოგს აძლევს დამატებით ინსტრუმენტს, რომ დიაგნოზი იყოს მაქსიმალურად ზუსტი. ეს განსაკუთრებით მნიშვნელოვანია, როცა საქმე ეხება სკრინინგს ან ადრეულ გამოვლენას.
და ბოლოს, როგორია აპარატის როლი ინვაზიური პროცედურებისას?
S-Fusion™ და S-Tracking™ გვაძლევს უნიკალურ საშუალებას ზუსტად დავგეგმოთ და გავაკონტროლოთ ბიოფსიები, ან სხვა მინიმალურად ინვაზიური ჩარევები. ეს ნიშნავს, რომ პროცედურები ხდება უფრო უსაფრთხო, კონტროლირებადი და ნაკლებად მტკივნეული პაციენტისთვის.
