ავსტრალიის სამხრეთით მდებარე პლაჟებზე, უცნაურად დიდი რაოდენობის ქაფის წარმოქმნამ, სერფერებს ჯანმრთელობის პრობლემები შეუქმნა. The Guardian-ის ინფორმაციით, დაავადებულია 100-ზე მეტი სერფერი.
მედიის ცნობით, სიმპტომებში შედის მხედველობის დაბინდვა, თვალების ქავილი, ხველა და სუნთქვის გაძნელება.
ჯანდაცვის ხელისუფლებამ დახურა Waitpinga და Parsons Beach, ადელაიდიდან სამხრეთით დაახლოებით 80 კილომეტრში.
ქაფი, რომელიც წყლის ბინადრებზეც ნეგატიურად მოქმედებს, შესაძლოა მაღალი ტემპერატურის გამო მიკროწყალმცენარეების აყვავებისა და წყლის სტაგნაციის შედეგად წარმოქმნილიყო.
“ჯანდაცვის ორგანიზაციების რეკომენდაციით დაიხურა ვეიტპინგისა და პარსონსის პლაჟები, რომლებიც ადელაიდიდან სამხრეთით, დაახლოებით 80 კილომეტრში მდებარეობს”, – ნათქვამია მედიის მიერ გავრცელებულ ინფორმაციაში.
სახელმწიფო გარემოს დაცვის დეპარტამენტის სპიკერმა განაცხადა, რომ პლაჟები დაიხურა “უსაფრთხოების ინტერესებიდან გამომდინარე”
სახელმწიფო გარემოს დაცვის ორგანომ (Epa) განაცხადა, რომ იცოდა, რომ „ვაიტპინგას და პარსონსის სანაპიროებზე მკვდარი თევზი იპოვეს და სერფერებმა აღნიშნეს ჯანმრთელობის სიმპტომები, როგორიცაა თვალების ქავილი და ბუნდოვანი/ნისლიანი ხედვა და ხველა და სუნთქვის გაძნელება.
