როგორ უნდა ამოვიცნოთ კრუპი ბავშვებში?
ცრუ კრუპი (ხორხის მწვავე სტენოზი): სიმპტომები, მიზეზები და მკურნალობის მეთოდები – რა არის ცრუ კრუპი?- საუბრობს პედიატრი თემურ მიქელაძე გადაცემაში „სტუმრად ექიმთან”:
„ძირითადად, კრუპი ვირუსული ეტიოლოგიით არის განპირობებული. მისი ძირითადი გამომწვევი პარაგრიპის ვირუსია. მაგალითად დიფტერიული, პრაქტიკულად, აღარ გვხვდება, რადგანაც ამის საწინააღმდეგო ვაქცინა კეთდება. ბავშვები დროულად უნდა იყვნენ ვაქცინირებული.
მას ახასიათებს ჩახლეჩილი ხასიათის ხმა, ბავშვი იძინებს აბსოლუტურად ჯანმრთელი და ღამით აქვს შეტევითი, ყეფვითი გამოძახილი. კრუპი ერთი და იგივე ბავშვს შეიძლება რამდენჯერმე გაუმეორდეს“, – განაცხადა თემურ მიქელაძემ.
მისი თქმით, ხველასთან გაჩაღებული ბრძოლა საჭირო არ არის, ის აუცილებად გაივლის.
„თუ მშობელი სწორად გაივლის ექიმთან კონსულტაციას, მეორე, მესამე ეპიზოდზე შეიძლება უპრობლემოდ მართოს კრუპი. ამ დროს, ოთახი უნდა იყოს დატენიანებული, ბავშვმა უნდა შეისუნთქოს ცივი ჰაერი, შეგვიძლია გამოვიყენოთ პერორალური ერთჯერადად გამოსაყენებელი საშუალება, შეგვიძლია გამოვიყენოთ რექტალურად, სანთლის სახით ან საინჰალაციო სტეროიდები, ბუდესონიდის სახით.
რაც მთავარია, არ უნდა დავიბნეთ, არ ავყვეთ პანიკას და არ მოვახდინოთ ბავშვის ეგრევე სტაციონარში გადაყვანა. განსაკუთრებით კრუპს არ სჭირდება დაბნევა…
საკმაოდ მძიმე შესახედია, როცა ბავშვი ვერ სუნთქავს, მაგრამ ამის შველა ჩვენ რამდენიმე წუთში შეგვიძლია იგივე პერორალური სტეროიდით, რექტალური სტეროიდით თუ საინჰალაციო საშუალებებით” – აღნიშნა თემურ მიქელაძემ.
