2023 წლის იანვარში “საქართველოს საზოგადოებრივი ჯანდაცვის ინსტიტუტმა” და ფრანგულმა ორგანიზაციამ “აკრედიტაცია საზღვრების გარეშე” (Acréditation Sans Frontières – ASF) შექმნეს ალიანსი, რაც მოიცავს საერთო მენეჯმენტსა და სტრატეგიას. ორგანიზაციას ორი ოფისი აქვს – პარიზსა და თბილისში. ჩვენი მიზანია, ევროპული გამოცდილების გამოყენებით, საქართველოში მედიისა და ჯანდაცვის სტანდარტების გაუმჯობესება.
ამ ალიანსმა, რომლის ლოგო წარმოადგენს ქართული და ფრანგული ლოგოების ნაერთს, შექმნა მედიაჰოლდინგი “შენი”. “შენი” მედიაჰოლდინგი მკითხველს სთავაზობს დამოუკიდებელ, აპოლიტიკურ, და აქტუალურ ინფორმაციას და მოიცავს 13 ვებ და სოციალური მედიის არხს (Facebook, Instagram, YouTube, TikTok, X). ჩვენ ყოველთვიურად 1,000,000-მდე ქართულენოვან მომხმარებელს ვაწვდით ყველაზე მნიშვნელოვან და საინტერესო თემებზე ინფორმაციას.
“შენი” ეფუძნება ევროპულ პრინციპებს და რეგულირდება როგორც საქართველოს, ასევე საფრანგეთის კანონმდებლობით. ჩვენი მედიაჰოლდინგი მიზნად ისახავს საზოგადოებრივი ჯანდაცვისა და ჯანსაღი ცხოვრების შესახებ ინფორმაციის გავრცელებას.
მედიაჰოლდინგის დამფუძნებელი და გენერალური დირექტორია გიორგი ფხაკაძე, ხოლო მთავარი რედაქტორი – თათია გოჩაძე. თითოეული ვებგვერდი ხელმძღვანელობს საკუთარი გამომშვები რედაქტორისა და ჟურნალისტების გუნდით, რაც უზრუნველყოფს პროფესიონალურ და მტკიცებულებებზე დაფუძნებულ სტატიებს.
პლატფორმები
www.sheniekimi.ge
ამ პლატფორმაზე განთავსებულია მსოფლიო მედიცინის სიახლეები, ჯანდაცვის ტენდენციები და საქართველოში არსებული გამოწვევები. ის აერთიანებს ექსპერტების მოსაზრებებს, განსხვავებულ ანალიზს და ინოვაციებს მედიცინის სფეროში. მკითხველები ყოველდღიურად მიიღებენ უახლეს ინფორმაციას, რომელიც ჯანდაცვის ყველა სფეროს მოიცავს.
www.sheniambebi.ge
ეს ვებგვერდი მკითხველს სთავაზობს არაპოლიტიკურ სიახლეებს, სახალისო თემებს და დამატებით სოციალურ კონტენტს. აქ არის ყველა სახის სასარგებლო ინფორმაცია, რაც დაკავშირებულია ყოველდღიურ ცხოვრებასთან. ვსაუბრობთ ადამიანებისთვის საინტერესო, ზოგჯერ იუმორისტულ და დამხმარე თემებზე, რათა მკითხველებს შევუქმნათ მყუდრო და სასიამოვნო ჰარმონია ჩვენს პლატფორმაზე.
www.sheniganatleba.ge
პლატფორმა ფოკუსირებულია განათლების ხარისხის ამაღლებაზე, რაც მოიცავს საერთაშორისო ტენდენციებს და საქართველოს განათლების სფეროს განვითარებას. აქ განთავსებულია სტატიები, რომლებიც განათლებისა და ჯანსაღი ცხოვრების მნიშვნელობას განიხილავს, რაც მიზნად ისახავს საზოგადოების ცნობიერების ამაღლებას.
www.shenisofeli.ge
ეს საიტი ეძღვნება საქართველოს რეგიონების და სოფლად მცხოვრები ადამიანების ცხოვრებას. აქ მოთავსებულია სოფლად მაცხოვრებლების საინტერესო ისტორიები და მიღწევები, ასევე საჭირო ინფორმაცია მათთვის, მათ შორის საზოგადოებრივი ჯანდაცვის შესახებ. ჩვენი პლატფორმა ფოკუსირებულია რეგიონებზე, რომ დედაქალაქს მიღმა არსებული თემების ხმაც გააჟღეროს.
www.shenidasveneba.ge
ეს პლატფორმა სთავაზობს დასვენებისა და მოგზაურობის შესახებ საინტერესო და პრაქტიკულ ინფორმაციას. აქ განხილულია საქართველოს კურორტები, ტურისტული ობიექტები და ზამთრის და ზაფხულის დასვენების ადგილები, რაც ხელს უწყობს ტურიზმის განვითარებას და ეკონომიკის წინსვლას.
www.sheniinterieri.ge
ეს ვებგვერდი ეძღვნება ინტერიერის და ექსტერიერის დიზაინს, ასევე კომფორტულ და ჯანსაღ საცხოვრებელ სივრცეს. აქ განთავსებულია სტატიები, რომლებიც ერგონომიკის, ეკოლოგიურად სუფთა საცხოვრებელი გარემოს და ჯანსაღი ცხოვრების პოპულარიზაციას ემსახურება.
www.shenihoroskopi.ge
ამ ვებგვერდზე შეგიძლიათ გაეცნოთ ასტროლოგიურ პროგნოზებს, ზოდიაქოს ნიშნების განლაგებას და ჰოროსკოპებს. ვსაუბრობთ პლანეტების გავლენებზე, ზოდიაქოს ნიშნების თავისებურებებსა და მათი როლზე ადამიანების ცხოვრებაში.
www.shenisupra.ge
ეს არის საქართველოში პირველი შემეცნებით-კულინარიული პორტალი, სადაც მკითხველებს ვთავაზობთ კულინარიის მრავალ ასპექტს. ასევე, აქ ფართოდ განიხილება ჯანსაღი კვება, მისი მნიშვნელობა და საზოგადოებისთვის სწორი კვების ინფორმაციის გავრცელება.
www.shenitbilisi.ge
პლატფორმა თბილისის ცხოვრების, განვითარების და ქალაქის სიახლეების შესახებ. აქ იხილავთ მნიშვნელოვან მოვლენებს, აქტუალური საკითხების ანალიზს, ასევე საზოგადოების აქტიურ საქმიანობასა და ინიციატივებს.
www.shenistartup.ge
ეს პლატფორმა ფოკუსირებულია ინოვაციებზე და სტარტაპებზე. აქ განთავსებულია ინფორმაცია ახალი ბიზნესების შესახებ, მათი განვითარების გზების და ინოვაციური პროდუქტების პოპულარიზაციისთვის.
www.shenipositivi.ge
ეს პლატფორმა ეძღვნება პოზიტიურ სიახლეებს, წარმატების ისტორიებს და საზოგადოების კეთილგანწყობის გაძლიერებას. აქ მკითხველი შეხვდება შთამაგონებელ და მოტივაციურ სტატიებს, რაც ხელს უწყობს პოზიტიური ცნობიერების ჩამოყალიბებას.
www.shenisilamaze.ge
ამ საიტზე განთავსებულია სილამაზის ინდუსტრიის და თავის მოვლასთან დაკავშირებული თემები. აქ მკითხველი გაეცნობა კანის მოვლის, ესთეტიკის, და ჯანსაღი ცხოვრების შესახებ რჩევებსა და გზამკვლევებს.
www.sheniemigranti.ge
ეს პლატფორმა ეძღვნება ქართველ ემიგრანტებს, მათ საჭიროებებს და ყოველდღიურ ცხოვრებას საზღვარგარეთ. აქ განთავსებულია სტატიები ემიგრანტების შესახებ, მათი ისტორიები და მხარდაჭერის ფორმები.
ჩვენი პრიორიტეტები
“შენი” არ თანამშრომლობს კომპანიებთან, რომლებიც წარმოადგენენ თამბაქოს, სათამაშო ბიზნესს, იარაღის წარმოებას ან ბავშთა ხელოვნურ კვებას. ჩვენ არ ვთანამშრომლობთ კომპანიებთან, რომელთა პროდუქტებს არ გააჩნია ევროკავშირის წამლის სააგენტოს სერტიფიკატი. ჩვენი მთავარი პრიორიტეტია საზოგადოების ჯანდაცვა, და ჩვენი კონტენტი მუდამ მტკიცებულებებზეა დაფუძნებული.
ზოგადი კომენტარები
“შენი” მედიაჰოლდინგი წარმოადგენს მულტიპლატფორმულ საინფორმაციო სივრცეს, რომელიც ფარავს როგორც საზოგადოებრივ, ასევე პირად ინტერესებს, როგორიცაა ჯანდაცვა, განათლება, დასვენება და სილამაზე და სხვ. ყველა პლატფორმა ურთიერთდაკავშირებულია, რაც მკითხველს საშუალებას აძლევს, მარტივად გადაადგილდეს ერთი თემატიკიდან მეორეზე. “შენი” მიზნად ისახავს ინფორმაციის მიწოდებას მაღალი ხარისხით და მტკიცებულებებზე დაფუძნებით, რაც ქართულ საინფორმაციო სივრცეში უმნიშვნელოვანეს როლს თამაშობს.
მასალის გამოყენების პირობები
