მწერის მიერ დანესტვრა შეიძლება არამარტო მტკივნეული, არამედ ჯანმრთელობის სხვადასხვა პრობლემების სერიოზულ სექრეტებადაც იქცეს. სწორმა რეაგირებამ და პირველადი დახმარების გაწევამ შეიძლება მნიშვნელოვნად შეამციროს უსიამოვნო შედეგები და თავიდან აგაცილოთ უფრო სერიოზული პრობლემები.
1. პინცეტით კანის ზედაპირიდან ამოვიღოთ ნესტარი (არ გადაფხიკოთ დანით)
2. ჩამოიბანეთ საპნიანი წყლით სხეულის შესაბამისი უბანი
3. დანესტვრის ადგილზე დაიდეთ ყინულის კუბი, რათა შეაფერხოთ შხამის გავრცელება და შეამსუბუქოთ ქავილი
4. თუკი ალერგიული ხართ მწერის ნაკბენზე, საჭიროა თქვენს ალერგოლოგთან ერთად შეიმუშავოთ სამოქმედო გეგმა, სადაც ექიმი, მწერის მიერ დანესტვრის შემთხვევაში, გაგიწერთ თუ რა პრეპარატების გამოყენებაა საჭირო და რა თანმიმდევრობით
5. პირველადად გამოვლენილი ალერგიული რეაქციის შემხთვევაში, დაუყოვნებლივ მიმართეთ სასწრაფო დახმარების ბრიგადას, რათა დროულად მოხდეს ისეთი პრეპარატების გამოყენება როგორიცაა მაგალითად დექსამეტაზონი, ადრენალი და ა.შ.
როდის უნდა მიმართოთ ექიმს
- სერიოზული რეაქციები: თუ შეგიქმნათ სერიოზული სიმპტომები, როგორიცაა ძლიერი ტკივილი, შეშუპება, სუნთქვის პრობლემები ან ალერგიული რეაქციები, დაუყოვნებლივ მიაკითხეთ ექიმს.
- ინფექცია: თუ დაზიანებული ადგილი მოიცავს ინფექციის ნიშნებს.
როგორ ავირიდოთ თავიდან მწერის მიერ დანესტვრა?
არ იაროთ ფეხშიშველმა ბალახებში
არ ატაროთ ბუნებაში ფერადი სამოსი ყვავილების პრინტით
არ გამოიყენოთ სუნამო და სურნელოვანი კრემი
მოერიდეთ გარეთ ნაყინის, საზამთროს და სხვა ტკბილი,სურნელოვანი ხილის ჭამას.
არ დატოვოთ საკვები და გამაგრილებელი სასმელები თავღია
თუკი მოგიახლოვდათ მწერი, მოერიდეთ მკვეთრ მოძრაობებს, შეეცადეთ მშვიდად გაეცალოთ მას.
გამოიყენეთ დამცავი ბადეები ფანჯრებსა და კარებზე
ნესტრიან მწერებზე არ მოქმედებს რეპილენტები და მწერების დამაფრთხობელი სხვა საშუალებები.
მწერის მიერ დანესტვრის შემთხვევაში სწრაფი და სწორი რეაგირება უმნიშვნელოვანესია. ცოდნა და პირველადი დახმარების კვალიფიციური გაწევა, საშუალებას მოგცემთ, რომ დაზიანების ეფექტი მინიმუმამდე დავიდეს და თავიდან აიცილოთ უფრო სერიოზული სექრეტები.
#drpkhakadze
