დამატებითი მეთოდიკების გამოყენება:
დამატებით მეთოდიკებს, რომლებსაც იყენებენ კლასიკურ ძალისმიერ ვარჯიშებთან ერთად, ასევე შეუძლია მაქსიმალურად გაზარდოს ძალის მატება. მაგალითად, დღეს დიდი ყურადღება ექცევა სისხლის ნაკადის შეზღუდვის მეთოდიკას. ჩვეულებრივ, სისხლის ნაკადის შეზღუდვა მოიცავს ძალისმიერი ვარჯიშების შესრულებას მანჟეტების გამოყენებით, რომლებიც ავიწროებენ კიდურების სისხლძარღვებს. მაგრამ მიუხედავად იმისა, რომ გრძელვადიან პერსპექტივაში სისხლის ნაკადის შეზღუდვა ზრდის ძალის მატებას დაბალი დატვირთვით შესრულებული ძალისმიერი ვარჯიშისას, ეს მექანიზმი მაინც გაურკვეველი რჩება. შესაძლო მექანიზმები მოიცავს: სისხლის ნაკადის შეზღუდვით გამოწვეული მეტაბოლური სტრესის ზრდას, რაც, თავის მხრივ, ასტიმულირებს კუნთების ზრდას.
სისხლის ნაკადის შეზღუდვით გამოწვეული მოტორული ერთეულების რეკრუტირების ცვლილება ახდენს კუნთების ზრდის სტიმულირებას მექანიკური სტრესის გაზრდის ხარჯზე .
ყველაზე ხშირად სისხლის ნაკადის შემცირებას იყენებენ დაბალი დატვირთვით შესრულებული ძალისმიერი ვარჯიშებისას, ჩვეულებრივ 1 ზღვრული მაქსიმუმის 50%. რაც შეეხება სისხლის ნაკადის შეზღუდვის გამოყენებას შედარებით მძიმე ძალისმიერ ვარჯიშებთან ერთად, (ზღვრული მაქსიმუმის 65% ), ამ თემაზე კვლევების რაოდენობა შეზღუდულია და ისინი ურთიერთგამომრიცხავ შედეგებს იძლევიან იმის შესახებ, ხელს უწყობს თუ არა სისხლის ნაკადის შეზღუდვის გამოყენება ძალის მაჩვენებლების ზრდას . დამატებითი დეტალური კვლევებია საჭირო, რათა დადგინდეს: ხელს უწყობს თუ არა სისხლის ნაკადის შეზღუდვა და მძიმე ძალისმიერი ვარჯიშების კომბინაცია ძალის უფრო მნიშვნელოვან მატებას, ვიდრე კლასიკური მძიმე ძალისმიერი ვარჯიშებისას? ასევე არსებობს შეზღუდული რაოდენობის მონაცემები, რომლებიც მიუთითებს, რომ ძალის მატება შესაძლებელია კლასიკურ ძალისმიერ ვარჯიშებზე დაბალი დატვირთვის პერიოდული ძალისმიერი ვარჯიშებისა და სისხლის ნაკადის შემცირების დამატებით . ამ ეფექტების დასასაბუთებლად და დეტალიზაციისათვის, მაგალითად, დამატებითი დაბალი დატვირთვებით დამატებითი ვარჯიშებისა და სისხლის ნაკადის შეზღუდვის ოპტიმალური მოცულობისა და სიხშირის დასადგენად, საჭიროა დამატებითი კვლევები. დაბოლოს, არსებობს მონაცემები, რომ პასიური სისხლის ნაკადის შეზღუდვა, კუნთების თანმხლები შეკუმშვის გარეშე, შესაძლოა, ხელს უწყობს ძალის შენარჩუნებას იმობილიზებულ ადამიანებში . ამის გათვალისწინებით, აუცილებელია გაირკვეს: ზრდის თუ არა პასიური სისხლის ნაკადის შეზღუდვა ძალას ნორმალურ პირობებში, როდესაც ადამიანი არ არის იმობილიზებული. ამ იდეის მხარდასაჭერად, შეიძლება მოვიყვანოთ მონაცემები იმის შესახებ, რომ სიარულის დროს სისხლის ნაკადის მხოლოდ სამი კვირის პერიოდით შეზღუდვა ზრდის ძალას ჯანმრთელ, თუმცა არანავარჯიშებ ახალგაზრდა მამაკაცებში.
თუ პასიური სისხლის ნაკადის შეზღუდვა ნამდვილად ზრდის ძალას, სასურველია იმის გამოკვლევა, შეიძლება თუ არა პასიური სისხლის ნაკადის შეზღუდვა იყოს სასარგებლო დამატება კლასიკური მძიმე ძალისმიერი ვარჯიშებისთვის — ძალის მატების თვალსაზრისით. ზოგადად, არსებობს ძალის მატების მიზნით, მძიმე ძალისმიერი ვარჯიშებისას სისხლის ნაკადის შეზღუდვის დამატებით გამოყენების კვლევის მრავალი მიმართულება.
კიდევ ერთი პოტენციური დამატებითი აქტივობაა იდეომოტორული ვარჯიში. ტრადიციული ძალისმიერი ვარჯიში იწვევს დაღლილობას და კუნთების დაზიანებას , რაც ზღუდავს ვარჯიშის დასაშვებ დოზას — აღდგენის უზრუნველსაყოფად და გადავარჯიშების თავიდან ასაცილებლად. ამრიგად, ტრადიციულ ძალისმიერ ვარჯიშს შეიძლება დაემატოს კინესთეტური იდეომოტორული ვარჯიში, რათა კიდევ უფრო გაიზარდოს ძალის მაჩვენებლები დაღლილობისა და კუნთების დაზიანების გამწვავების გარეშე. ამ სფეროში არსებული კვლევის რაოდენობა შეზღუდულია, რაც ნიშნავს შემდგომი ექსპერიმენტებისა და ინოვაციების პოტენციურ შესაძლებლობებს. მნიშვნელოვანია აღინიშნოს, რომ არსებული სამეცნიერო მონაცემების თანახმად, კლასიკურ ძალისმიერ ვარჯიშებზე იდეომოტორული ვარჯიშების დამატება არ იძლევა დამატებით სარგებელს . მაგრამ შესაძლოა, იდეომოტორული ვარჯიშების ეფექტიანობის გაზრდას ხელი შეუწყოს მასზე ბიოლოგიური უკუკავშირის ტექნოლოგიების დამატებამ (იხ. ქვემოთ), თუმცა ეს ჰიპოთეზა ჯერ კიდევ არ არის შემოწმებული.
#datashvil #drpkhakadze #sheniganatleba #sheniambebi #sheniekimi
მასალის გამოყენების პირობები
