2024 წლის 14 ივნისს კლინიკა „პინეო სამედიცინო ეკოსისტემაში“ „პაციენტთა საბჭოს“ პირველი სხდომა გაიმართა, სადაც განიხილეს პაციენტთა კმაყოფილების კვლევის შესახებ ინფორმაცია და გადაწყვიტეს, რომ საბჭოს შეხვედრა რეგულარულად – თვეში ერთხელ გაიმართება, რადგანაც ეს მნიშვნელოვანი იქნება კლინიკის განვითარებისთვის.
„პინეო“ საერთაშორისო აკრედიტაციის პროცესს გადის მსოფლიოში ერთ-ერთი უმსხვილესი მააკრედიტირებელი ორგანიზაციის – „აკრედიტაცია კანადის“ სტანდარტების მიხედვით.
ამიტომ მოტივირებულია, გააუმჯობესოს საკუთარი მომსახურების ხარისხი, აქედან გამომდინარე, კლინიკის ინიციატივით, პაციენტები თვეში ერთხელ, რეგულარულად შეიკრიბებიან და ყველა იმ საკითხზე იმსჯელებენ, რაც პაციენტთა კვლევის შედეგად იქნება გამოკვეთილი.
პაციენტების ჩართულობა კლინიკების განვითარების პროცესში საქართველოს ისტორიაში სიახლეა და მიმართულია ჯანდაცვის ხარიხსის გაუმჯობესებისკენ.
ყველაფერ აღნიშნულის ინიციატორი გახლავთ ჯანდაცვის მსოფლიო ექპსერტი, პროფესორი გიორგი ფხაკაძე, რომელიც საქართელოში „აკრედიტაცია კანადის“ წარმომადგენელია.
პაციენტთა ჩართულობას კლინიკების მართვის პროცესში აქტიურად გააშუქებს მედიაჰოლდინგი „შენი“, რომელიც პირველი საზოგადოებრივი ჯანდაცვის თემატიკის მედიაჰოლდინგია არამხოლოდ საქართველოში, არამედ მთელს რეგიოში.
„შენი ექიმი“ „პინეოს“ პაციენტთა საბჭოს წევრებს ესაუბრა და გთავაზობთ მათ კომენტარებს დღევანდელ შეხვედრასთან დაკავშირებით:
ირმა მდინარაძე:
„ძალიან მნიშვნელოვანია პაციენტის ჩართულობა… ვფიქრობ, წინ ძალიან საინტერესო და წარმატებული პროცესი გველოდება.“
ანი დოლიძე:
„ძალიან მომწონს ეს ინიციატივა და სიამოვნებით ჩავერთე ამ პროცესში, რადგან მიმაჩნია, რომ პაციენტის მოსაზრების გათვალისწინებას კლინიკის განვითარების პროცესში უდიდესი მნიშვნელობა აქვს“.
ლელა მჭედლიშვილი:
„ვარ კმაყოფილი „პინეოს“ ექიმების მზრუნველობით ჩემ მიმართ და დარწმუნებული ვარ, ამ ჩართულობის შემდეგ კიდევ უფრო გამყარდება ურთიერთობები ექიმებსა და პაციენტებს შორის, ასე რომ დადებითად ვაფასებ ამ პროცესს“.
ლაშა სილაგავა:
„მივესალმები პაციენტთა ჩართულობას კლინიკის განვითარების პროცესში და ვაპირებ, აქტიურად მივიღო მონაწილეობა. ვფიქრობ, მნიშვნელოვანია პაციენტთა ანონიმურობის საკითხის თემის განხილვაც…“
ნინო რატიანი – “პინეოში” საერთაშორისო აკრედიტაციის ხელმძღვანელი:
“ვფიქრობ, პაციენტების თანამონაწილეობა აუცილებელი პირობაა კლინიკის განვითარების პროცესში, ასევე პრიორიტეტების განსაზღვრისთვის… პაციენტის მხრიდან დანახული პროცესი ძალიან საინტერესო და გასათვალისწინებელია. ასე რომ, დადებითად ვაფასებ აღნიშნულ წამოწყებას”.
ნათია გელაშვილი, კლინიკა “პინეოს” აკრედიტაციის სპეციალისტი:
“ძალიან მნიშვნელოვანი პროცესი დაიწყო. პაციენტების აზრი ძალიან მნიშვნელოვანია და ამ პროცესის მიხედვით, გათვალისწინებული იქნება მათი რეკომენდაციები, რაც ჩვენი კლინიკის სერვისს კიდევ უფრო გააუმჯობესებს. ამიტომ დადებითად ვაფასებ ამ წამოწყებას…”
ცნობისთვის: “პაციენტთა საბჭო“ შიქმნება ყველა იმ კლინიკაში, რომლებიც საერთაშორისო აკრედიტაციის პროცესს გადიან მსოფლიოში ერთ-ერთი უმსხვილესი მააკრედიტირებელი ორგანიზაციის „აკრედიტაცია კანადის“ ჩართულობით. აღნიშნული ინიციატივა ეფუძნება დასავლურ სტანდარტებს და მოტივირებულია ჯანდაცვის მომსახურების ხარისხის გაუმჯობესების მისაღწევად.
რაც შეეხება პაციენტთა კმაყოფილების კვლევას, აღნიშნული გამოკითხვა უკვე ტარდება ყველა იმ კლინიკაში, რომელიც ასევე აკრედიტაციის პროცესს გადის „აკრედიტაცია კანადის“ სტანდარტების მიხედვით. გამოკითხვა შესაძლებელია QR კოდის დასკანერების საშუალებით, რომელიც განთავსებულია ყველა აღნიშნულ კლინიკაში და ასევე ვებპორტალზე – sheniekimi.ge.
გამოკითხვა მომზადებულია და ტარდება ,,საქართველოს საზოგადოებრივი ჯანდაცვის ინსტიტუტის” მიერ საერთაშოროსო ,,აკრედიტაცია კანადის” (Accreditation Canada)-ის სტანდარტების მიხედვით სამედიცინო დაწესებულების მომსახურების ხარისხის გაუმჯობესების მიზნით.
კვლევის მიზანია, პაციენტის სამედიცინო მომსახურების გაწევის/მიღების პროცესის შესწავლა; არსებული სამედიცინო მომსახურების, საერთაშორისო ხარისხის სტანდარტების შესაბამისად გაუმჯობესება; საჭირო სტანდარტების დანერგვის აუცილებლობის და საჭიროების გამოვლენა;0 შესაბამისი რეკომენდაციების შემუშავება.
მკვლევარი: საერთაშორისო აკრედიტაცია კანადის წარმომადგენლი საქართველოში ექიმი პროფესორი, გიორგი ფხაკაძე.
აღსანიშნავია, რომ გამოკითხვა ანონიმურია და რესპონდენტის იდენტიფიცირება შეუძლებელია. კითხვარის შევსების დროს პირადი მაიდენტიფიცირებელი მონაცემები არ ივსება. შევსებული ინფორმაცია კონფიდენციალური და ორიენტირებულია მხოლოდ შედეგზე, რაც გულისხმობს სამედიცინო მომსახურების მიწოდების ხარისხის შესწავლას და გაუმჯობესებას… ანონიმურობა დაცული იქნება კვლევის ყველა ეტაპზე.
აღნიშნული კვლევის შესახებ დამატებითი კითხვების შემთხვევაში, დეტალური ინფორმაციის მისაღებად გთხოვთ, დაუკავშირდეთ:
,,საქართველოს საზოგადოებრივი ჯანდაცვის ინსტიტუტის’’ პაციენტთა საბჭოების სამდივნოს ხელმძღვანელს: იოსებ დემეტრაშვილს.
საკონტაქტო: +995 555 423 845
info@accreditation.ge
მისამართი: საქართველო, თბილისი, ბეთლემის აღმართი 3, საფოსტო ინდექსი: 0105 www.sheniekimi.ge
პაციენტთა კვლევაში მონაწილეობის მისაღებად გადადით ბმულზე:
https://www.surveymonkey.com/r/sheniekimi
მასალის გამოყენების პირობები
