B ჰეპატიტი – ღვიძლის ინფექციური დაავადება. არსებობს მწვავე და ქრონიკული ფორმით.
B ჰეპატიტი სიცოცხლისთვის პოტენციურად საშიშ ინფექციად და გლობალური ჯანდაცვის პრობლემად მიიჩნევა. მისი ქრონიკული ფორმის დროს იმატებს ღვიძლის ისეთ დაზიანებათა რისკი, როგორებიცაა ციროზი და კიბო. საბედნიეროდ, B ჰეპატიტი იშვიათად იძენს ქრონიკულ ხასიათს (ათიდან ცხრა შემთხვევაში), ხოლო ვაქცინა, რომელიც 1982 წლიდან გამოიყენება, შემთხვევათა 95%-ში ეფექტურია.
მიზეზები დაავადება ძირითადად სისხლით გადაიცემა. მისი წარმოშობის მიზეზებია:
· დაუცველი სქესობრივი კავშირები და პარტნიორის ხშირი ცვლა;
· ინექციური ნარკოტიკების გამოყენება, არაჰიგიენური ნორმების მქონე ტატუ-სალონებში ვიზიტი;
· სამედიცინო დაწესებულებებში სისხლის გადასხმისას, ოპერაციისას დაავადება;
· დაავადებული ადამიანის პირადი მოხმარების საგნებით სარგებლობა;
· მშობიარობის დროს დედისაგან შვილზე გადაცემა.
სიმპტომები
პირველი ნიშნები იკვეთება დაავადებიდან 12 კვირის შემდეგ. დაავადებისთვის დამახასიათბელი სიმპტომებია:
· სწრაფი დაღლა და მუდმივად დაღლილობის შეგრძნება;
· გულის რევა, ღებინება;
· მარჯვენა ნეკნების ქვეშ პერიოდული ტკივილი;
· შარდის გამუქება;
· სხეულის ტემპერატურის აწევა;
· თვალის კაკლების, კანის გაყვითლება;
· კალას გაუფერულება.
დიაგნოსტიკა
დიაგნოსტიკას ატარებს ექიმი-ჰეპატოლოგი, რომელიც ნიშნავს მთელ რიგ ანალიზებსა და გამოკვლევებს, როგორიცაა:
· საერთო დათვალიერება;
· მუცლის ღრუს ორგანოების ულტრა-ბგერით გამოკვლევა;
· პჯრ-დიაგნოსტიკა (პოლიმერაზული ჯაჭვური რეაქცია);
· სისხლის საერთო, ბიოქიმიური ანალიზი;
· შარდის საერთო ანალიზი;
· ღვიძლის სინჯები.
მკურნალობა
დაავადების მკურნალობა მოიცავს:
· ანტივირუსულ პრეპარატებს;
· ჰეპატოპროტექტორებს;
· იმუნომამოდულირებელ საშუალებებს.
დღეისათვის დაავადების განკურნება შესაძლებელია სრულად. გამოჯანმრთელების შემდეგ პაციენტს აქვს დაავადების მიმართ იმუნიტეტი მთელი ცხოვრების მანძილზე.
დიეტა
პციენტმა უნდა დაიცვას დიეტა №5, რომელიც რაციონიდან გამორიცხავს:
· ცხიმიანი ხორცი, თევზი და მათგან მომზადებული წვნიანები;
· კონსერვები, შებოლილი, მარინადი;
· ტკბილეული, პური;
· მოხარშული კვერცხი;
· მჟავე ხილი და კენკროვანები;
· ისპანახი, ხახვი;
· მდოგვი, წიწაკა;
· ბოლოკი;
· შოკოლადი, ნაყინი;
· კაკაო, მაგარი ყავა;
· გაზიანი სასმელები;
· სპირტიანი სასმელები.
საშიშროება
თუ არ მოხდება დაავადების დროული მკრუნალობა შესაძლოა განვითარდეს შემდეგი სახის გართულებები:
· ღვიძლის ციროზი;
· ღვიძლისა და თირკმელების უკმარისობა;
· სისხლის მიმოქცევის დაქვეითება;
· ღვიძლის კიბო;
· ლეტალური შედეგი.
რისკის ჯგუფი
რისკის ჯგუფში შედიან:
· ადამიანები, რომლებიც ხშირად იცვლიან სქესობრივ პარტნიორს;
· ადამიანები, რომლებიც იყენებენ ინექციურ ნარკოტიკს;
· სამედიცინო დაწესებულებებში მომუშავეები;
· ადამიანები, რომლებსაც ესაჭიროებათ ხშირად სისხლის გადასხმა.
პროფილაქტიკა
დაავადების პროფილაქტიკისთვის რეკომენდირებულია:
· ვაქცინაციის ჩატარება;
· სამედიცინო ინსტრუმენტების საგულდაგულოდ გასტერილება;
· სქესობრივი აქტის დროს თავის დაცვა;
· პირადი ჰიგიენის წესების დაცვა.
