მაჯის არხის გვირაბის სინდრომი – წარმოიშობა შუა ნერვის დაზიანებით.
მაჯის არხი არის ერთგვარი გვირაბი ხელის გულის მხარეს, რომელშიც განთავსებულია 9 მყესი და შუათანა ნერვი. მყესები აკონტროლებენ თითების მოძრაობას, შუათანა ნერვის დამსახურებით შევიგრძნობთ ხელის გულს, მაჯას, ცერა თითს, საჩვენებელ თითს, შუა თითს და არათითის.
მაჯის არხის სინდრომი – მდგომარეობა, როდესაც შუათანა ნერვის კომპრესიის გამო აღინიშნება დაბუჟება, სისუსტე და ტკივილი მტევანსა და თითებში.
მაჯის არხის სინდრომის პირველი გამოვლინება არის თითების დაბუჟება, დაწყებული პირველი თითიდან მეოთხე თითის ნახევარი ზედაპირის ჩათვლით. პალპაციით აღენიშნება მტკივნეულობა. სუპინაცია, პრონაციის (ხელის მტევნის გარეთ ან შიგნით მობრუნების) შემთხვევაშიც აღენიშნება ძლიერი მტკივნეულობა. ღამით სხივ-მაჯის სახსრის ძლიერმა ტკივილმა შეიძლება გამოაღვიძოს პაციენტი.
მიზეზები
· მაჯის ნერვის დაზიანება;
· მაჯის ნერვის შეშუპება;
· კუნთებზე სტატიკური დატვირთვა;
· ხელების მოუხერხებელი მდგომარეობა;
· ხელებით ერთგვარი მოძრაობების ხანგრძლივად შესრულება;
· ტრავმები.
სიმპტომები
· თითბის ქავილი, კანკალი და ჩხვლეტა;
· მგრძნობელობის დაკარგვა თითებში;
· ხელების ტკივილი;
· ქსოვილების შეშუპება;
· ხელებსა და ხელის გულებზე ჩხვლეტა;
· ზედა კიდურებში ძალის დაკარგვის შეგრძნება;
· მტევნების ტკივილისგან გამოწვეული უძილობა;
· დიდი თითის კუნთების ატროფია;
· მუშტის შეკვრის შეუძლებლობა;
· საგნების დიდი ხნის მანძილზე დაჭერის შეუძლებლობა.
დიაგნოსტიკა
დაავადების დიაგნოსტიკისთვის საჭიროა:
· ნევროლოგთან ვიზიტი, რომელიც დაადგენს კუნთების დაჭიმულობის დონეს;
მკურნალობა
· ზედა კიდურების მოქმედების შეზღუდვა;
· ხელების დატვირთვის მინიმუმამდე დაყვანა;
· ძვლების იმობილიზაცია;
· ფიზიკური ვარჯიში, რომელიც ჭიმავს და ამაგრებს კუნთებს;
· ფიზიოლოგიური თერაპია;
· მედიკამენტოზური მკურნალობა;
· ვიტამინოთერაპია;
· კვების კორექცია.
საშიშროება
დაავადების მთავარი საშიშროება რომელიც მკურნალობას არ ექვემდებარება არის ხელებით ელემენტარული მოძრაობების შესრულების შეუძლებლობა. თუმცა სწორი და დროული მკურნალობისას შესაძლოა გართულებების თავიდან აცილება.
პროფილაქტიკა
რეკომენდირებულია:
· კომპიუტერთან მუშაობისას ხელები უნდა ელაგოს მაგიდაზე და მტევნები არ უნდა იყოს მოხრილი;
· სავარძელს და სკამს უნდა ჰქონდეს სახელურები;
· სამუშაო უნდა გულისხმობდეს შუალედურ შესვენებებს.
