იაშვილის სახელობის ბავშვთა ცენტრალური საავადმყოფოს სამედიცინო დირექტორის ივანე ჩხაიძის განცხადებით, ქვეყანაში გრიპის ვირუსის ჩამოყალიბებული პიკია, რომელიც მარტის ბოლომდე გაგრძელდება.
„ჩამოყალიბებული პიკია. ყველაზე ხშირად გრიპთან ერთად არის რესპირატორულ-სინციტიური ვირუსი, რომელიც დადასტურებული შემთხვევების 24%-ია. ასევე, ფიქსირდება მცირე რაოდენობით, მაგრამ მაინც კორონავირუსი. რესპირატორულ-სინციტიური ვირუსი დაავადების მძიმე მიმდინარეობით ხასიათდება, განსაკუთრებით ორ წლამდე ასაკის ბავშვებში და 65 წელს გადაცილებულ მოსახლეობაში. მოსალოდნელია სხვა ტიპის ვირუსების აქტიურობა ისევ გაგრძელდეს და ალბათ მარტის ბოლომდე, რასაც სტატისტიკურ მონაცემებზე დაყრდნობით ვსაუბრობთ, მიმართვიანობა რესპირატორულ-სინციტიური ვირუსის როგორც ჯანდაცვის ცენტრებში, ისე კლინიკებში დარჩეს მაღალი“, – განაცხადა ივანე ჩხაიძემ „ქრონიკასთან“.
