რეკომენდაციები ალერგიული ადამიანებისთვის, ახალ წელს…
გადაცემა „სტუმრად ექიმთან“
საუბრობს ალერგოლოგ-იმუნოლოგი მაკა რუხაძე:
„ნიგოზი თხილეულს შორის ნომერ პირველი ალერგენია. თუ ადამიანს ნიგვზის მიმართ აქვს ჰიპერმგრძნობელობა, თუ აქვს ალერგია, აუცილებლად უნდა მოერიდოს აღნიშნულ პროდუქტს. თხილეული ერთ-ერთი მნიშვნელოვანი ალერგენია, შესაძლოა, ანაფილაქსიაც გამოიწვიოს.
თუ ადამიანს ნიგოზთან მიმართებაში უკვე ჰქონდა მსგავსი შემთხვევა, ის არ უნდა იყოს იქ, სადაც მიდის სამზადისი, რადგან მან შესაძლოა ჩაისუნთქოს სურნელი და განვითარდეს ალერგია.
თუ გაქვთ ალერგია რძეზე, კვერცხზე, ეს ალერგენები ბევრ საკვებში, სასმელში არის შენიღბული. მაგალითად, ზოგიერთი ლიქიორი რძეს შეიცავს, ზოგიერთი კოქტეილი კვერცხის ცილას.
შეიძლება, დიდი რაოდენობით ციტრუსის მიღების შემდეგ, ბავშვს განუვითარდეს ალერგია, მწვავე ჭინჭრის ციება და ა.შ.
ეს არ ნიშნავს, რომ ბავშვს ალერგია აქვს ციტრუსის მიმართ, დიდი რაოდენობით პროდუქტის მიღების გამო ფერმენტულად ვერ მოხდა მისი გადამუშავება…“
#datashvil #drpkhakadze #sheniganatleba #sheniambebi #sheniekimi
