საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე საქართველოში იმყოფება.
კლინიკებმა საერთაშორისო აკრედიტაციის გავლისთვის მზადება დაიწყეს.
საერთაშორისო აკრედიტაციის ორგანიზაციას „აკრედიტაცია კანადას“ საქართველოში გიორგი ფხაკაძე წარმოადგენს.
მთავრობის გადაწყვეტილებით, საყოველთაო ჯანდაცვის პროგრამაში ჩართული ყველა კლინიკა ვალდებული იქნება მსოფლიოში მოქმედი სტანდარტები დააკმაყოფილოს და საერთაშორისო აკრედიტაციის ორგანოს აღიარება მოიპოვოს.
ამასთან, მიმდინარე წელს სამედიცინო დაწესებულებებმა უკვე უნდა წარადგინონ კონტრაქტი აკრედიტაციის ორგანოსთან. საერთაშორისო ექსპერტების მიერ მოხდება სამედიცინო მომსახურების ხარისხის, კლინიკებში არსებული პროცესებისა და ინფრასტრუქტურის შესაბამისობის დადგენა საერთაშორისო სტანდარტებისგან.
გიორგი ფხაკაძე სამედიცინო დაწესებულებებს ეწვია. შეხვდა კლინიკის ხელმძღვანელობას და მედპერსონალს.
აკრედიტაცია კანადას წარმომადგენელმა საქართველოში გიორგი ფხაკაძემ ბათუმიდან პირდაპირი ჩართვის დროს ისაუბრა საქართველოში აკრიდატიციის პროცესის შესახებ.
„მედცენტრი / MedCenter ბათუმში არის პირველი დაწესებულება საქართველოში, სადაც აკრედიტაცია კანადამ დაიწყო აკრედიტაციის პროცესი. მედცენტრთან არსებობს რამდენიმე კლინიკა, რეგიონალური ჯანდაცვის ცენტრი, რომელიც არის ძალიან ძლიერი კლინიკა, ასევე ბათუმის სამედიცინო უნივერსიტეტი ავიცენა, ასევე დიაგნოსტიკური ცენტრი. რთული პროცესია. ვისაუბრეთ აკრედიტაციის პროცესის შესახებ, თუ რა გამოწვევების წინაშე ვდგავართ. მოხარული ვარ, რომ კარგი შედეგებია“, – განაცხადა გიორგი ფხაკაძემ.
მისი თქმით, ერთ წელში ეს კლინიკები იქნებიან ძალიან მაღალი სტანდარტების და გააუმჯობესებენ თავიანთ სერვისებს.
„საერთაშორისო აკრედიტაცია საქართველოში საკმაოდ წარმატებულად ინერგება. კანადის საერთაშორისო აკრედიტაციის ორგანომ, საქართველოს საპატრიარქოს წმიდა იოაკიმეს და ანას სახელობის სამედიცინო ცენტრთან თანამშრომლობის ხელშეკრულება გააფორმა. ეს დიდი პატივია. მადლობას ვუხდი ნდობისთვის. ასევე თანამშრომლობის ხელშეკრულება გაფორმდა კლინიკა „ვივამედთან“, – განაცხადა გიორგი ფხაკაძემ.
როგორც გიორგი ფხაკაძემ აღნიშნა, სამედიცინო დაწესებულების აკრედიტაცია მიმდინარეობს წარმატებით.
აკრედიტაცია კანადის პარტნიორები არიან:
მედცენტრი / MedCenter ბათუმი
სოლომედი / SoloMed ბათუმი
Consilium Medulla • კონსილიუმ მედულა
��Jo Ann University Hospital • ჯო ენის საუნივერსიტეტო ჰოსპიტალი
პინეო სამედიცინო ეკოსისტემა • Pineo Medical Ecosystem
ვივო მედიქალ ჯგუფი /Vivo Medical Group
თბილისის ცენტრალური საავადმყოფო / Tbilisi Central Hospital
ნ.ბოხუას სახელობის კარდიოვასკულური ცენტრი
ჟორდანიას კლინიკა/zhordania Clinic
წმინდა მიქაელ მთავარანგელოზის სახელობის კლინიკური საავადმყოფო
ნეონატოლოგიური ცენტრი N ქირონ+
საქართველოს საპატრიარქოს წმიდა იოაკიმეს და ანას სახელობის სამედიცინო ცენტრი
საქართველოში სამედიცინო დაწესებულებების აკრედიტაციის პროცესი დაიწყო.
მნიშვნელოვან კითხვებზე პასუხები – ძალიან საინტერესო ინტერვიუ გიორგი ფხაკაძესთან
