საქართველოს პირველი არხის გადაცემა „პირადი ექიმი – მარი მალაზონია“
თემა: ფილტვების ანთება / სეზონი და პნევმონია
საუბრობს პულმონოლოგი, ფთიზიატრი, მედიცინის დოქტორი კახა ვაჭარაძე:
„რესპირაციული დაავადებები გამოირჩევა ფარული მიმდინარეობით, გვიან გამოვლენითა და მაღალი კონტაგიოზურობით. ყველაზე მნიშვნელოვანი და სავალალოა, მაღალი პროცენტი ინვალიდობითა და სამწუხაროდ, ლეტალობით.
რაც შეეხეა პნევმონიებს, სიკვდიალობის მაჩვენებელი მერყეობს 1%-დან 15%-მდე.
რას წარმოადგენს პნევმონია?
ეს არის ფილტვის ქსოვილის ანთება, რომელიც გამოწვეულია სხვადასხვა ვირულენტის მიერ, შესაძლოა, ეს იყოს ბაქტერია, ვირუსი, სოკო და სხვა უცნობი ეტიოლოგიის გამომწვევები. რაც ყველაზე მნიშვნელოვანია, ეს დაავადებები ითვლება ინფექციური დაავადებების რიგში.
ინფექციურ დაავადებებს შორის სიკვდილიანობით პნევმონიებს უკავიათ მესამე ადგილი. პირველი არის ტუპერკულოზი. მეორე ადგილზე არის ჰეპატიტები და მესამე ადგილზეა პნევმონია.
დაავადების გამომწვევი მიზეზი ძალიან ბევრია. სოკოვანი პნევმონია ძალიან რთული სამკურნალოა.
შესაძლოა, პნევმონია იყოს როგორც პირველადი, ისე ძირითადი დაავადების გართულება. საფუძველი მაინც არის იმუნოდეფიციტი.
ქრონიკული დაავადებების ერთ-ერთი გამწვავება არის პნევმონია…“
