25/06/2022
ჯანდაცვის ექსპერტი გიორგი ფხაკაძე საქართველოში ჩამოდის. ამის შესახებ მან გავრცელებულ ვიდეომიმართვისას განაცხადა.
ამასთან, გიორგი ფხაკაძე რეინფიცირების შემთხვევათა მატებაზე საუბრობს და მოქალაქეებს აფრთხილებს.
“პარიზიდან მოვდივარ თბილისში. ძალიან მიხარია, ამას არ აქვს რაიმე პოლიტიკური კონტექსტი, ხომ იცით, მე და პოლიტიკა ვართ, როგორც შავი და თეთრი.
მე რომ მოვდივარ საქართველოში, ამისთვის მადლობა უნდა უთხრათ “ომიკრონს”. მიზეზი ძალიან მარტივია. ომიკრონი არის გადამდები. მე და ფაუჩის ფაქტობრივად, ერთდროულად დაგვემართა კოვიდი, ომიკრონის ვარიანტი.
რატომ ვამბობ ახლა ამას? სტატია დავდე, გთხოვთ, წაიკითხოთ. სტატიაში ძალიან კარგად არის ჩამოყალიბებული, რომ ყველა იმ ადამიანს, საქართველოს პერიოდში, ვინც იყო ინფიცირებული აპრილამდე, შეიძლება აპრილის ჩათვლით, შესაძლოა, ხელახლა დაგემართოთ კოვიდი, ვინაიდან ომიკრონის ეს ვარიანტი არის ძალიან გადამდები და იმას სულ არ აინტერესებს თქვენ იყავით ადრე სხვა ვარიანტებით ინფიცირებული თუ არა. ამიტომაც არის, რომ რეინფიცირების ციფრები ავიდა მაღალ ნიშნულზე.
ძალიან ბევრი ადამიანი საქართველოში, მოსახლეობის თითქმის 80%-მა გადაიტანა კოვიდი ზამთრის პერიოდში. მოდით, სიმართლეს შევხედოთ თვალებში, თქვენ, ვინც გადაიტანეთ კოვიდი, არ ხართ დაცული, ვინაიდან, “ომიკრონის” ახალი ვარიანტი შემოსულია უკვე საქართველოში და მთელ მსოფლიოში”, – ამბობს ფხაკაძე ვიდეომიმართვაში.
მანამდე, ჯანდაცვის ექსპერტმა ამ თემაზე პოსტიც გაავრცელა და დაწერა:
“სამწუხაროდ, საქართველოში ადრე მიღებული/ჩამოყალიბებული პოპულაციური (ჯოგური) იმუნიტეტი ანუ თითქმის ყველა, ვინც დაინფიცირდა საქართველოში 2022 წლის აპრილამდე (მოსახლეობის თითქმის 80%), არ არიან დაცული ომიკრონისგან
ანუ ადრე (აპრილამდე) ინფიცირებულები ისევ დაინფიცირდებიან (რეინფიცირება).
ისინი, რომელთა ბოლო ვაქცინაციიდან 6 თვეზე მეტია გასული, სავარაუდოდ, დაინფიცირდებიან,
კორონა ვირუსის ომიკრონის ვარიანტი არის ვერაგი,
ეს არის ფაქტი”, – წერს გიორგი ფხაკაძე.
