„შეიგნეთ, „ომიკრონი“ დასასრულის დასაწყისი არ არის, ჯანმრთელობის მსოფლიო ორგანიზაციას მაინც მოუსმინეთ

11 თებერვალი, 2022

#drpkhakadze Giorgi Pkhakadze

„კარგი, პროფესორი გიორგი ფხაკაძე თქვენთვის საკმარისი არ არის.

ჯანმრთელობის მსოფლიო ორგანიზაციას მაინც მოუსმინეთ და შეიგნეთ (ეს კომენტარი ჩემს ზოგიერთ კოლეგას):

“ომიკრონი დასასრულის დასაწყისი” არ არის

“ომიკრონისეზონურიგრიპი” არ არის

კორონავირუსიარის საშიში -წერს „აკრედიტაცია საზღვრების გარეშე“ ხელმძვანელი, პროფესორი გიორგი ფხაკაძე.

მსოფლიომ პანდემიის დასასრულს ჯერ კიდევ არ მიაღწია, რადგან კორონავირუსის უფრო მეტი ახალი ვარიანტი გაჩნდება.

ჯანდაცვის მსოფლიო ორგანიზაციის მთავარმა მეცნიერმა, სუმია სვამინატანმა განაცხადა:

-„ჩვენ ვნახეთ ვირუსის განვითარება, მისი მუტაცია. ვიცით, რომ უფრო მეტი შემაშფოთებელი ვარიანტი გაჩნდება. ასე რომ, პანდემიის დასასრულს ჯერ არ მივაღწიეთ“.

9 თებერვალს, მსოფლიოში კორონავირუსის ახალი შემთხვევების ყოველდღიური მაჩვენებლების შემცირების მიუხედავად, ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა ხალხს მოუწოდა, ახსოვდეთ, რომ კორონავირუსი ჯერ არ დასრულებულა.

ტედროს ადჰანომ გებრეიესუსის თქმით, დაავადებას საზღვრები არ აქვს, ხოლო ინფექციის სწრაფმა ზრდამ, რომელიც „ომიკრონის“ ვარიანტმა გამოიწვია, აჩვენა, რომ უსაფრთხოების გრძნობა თვალის დახამხამებაში შეიძლება შეიცვალოს.

25 ნოემბერს, სამხრეთ აფრიკაში, მეცნიერებმა განაცხადეს, – კორონავირუსის ახალი ვარიანტი აღმოაჩინეს, რომელსაც უამრავი მუტაცია აქვს. ჯანდაცვის მსოფლიო ორგანიზაციის მთავარმა მეცნიერმა, სუმია სვამინატანმა განაცხადა, რომ ახალ ვარიანტს სპაიკის პროტეინში არაერთი შემაშფოთებელი მუტაცია აქვს.

26 ნოემბერს, ჯანდაცვის მსოფლიო ორგანიზაციამ საგანგებო სხდომაზე სამხრეთ აფრიკაში გამოვლენილ კორონავირუსის ახალ ვარიანტს „შემაშფოთებელი“ უწოდა. ჯანდაცვის მსოფლიო ორგანიზაციაში აცხადებენ, – „ომიკრონთან“ დაკავშირებული საერთო რისკი კვლავ მაღალია.

—

Professor Giorgi Pkhakadze, MD, MPH, PhD

https://youtube.com/@drpkhakadze

—

ავტორი: ირინა დათაშვილი #datashvil