იცოდით, რომ ფერთა პალიტრა განსაკუთრებულად მოქმედებს თქვენს განწყობასა და გონებრივ სიმშვიდეზე? ფერების ფსიქოლოგები ამბობენ, რომ ტონებს შეუძლიათ არა მხოლოდ თქვენი განწყობის, არამედ ქცევების შეცვლაც კი.
დღევანდელ სტატიაში გიამბობთ 9 ფერის შესახებ, რომლებსაც თქვენი დამშვიდების ან პირიქით – გადაღლის უნარი აქვთ.
წითელი
![](https://www.homeis.ge/wp-content/uploads/2023/12/Red-The-Interior-Design-Trend-Youll-Be-Seeing-Everywhere-2.jpg)
წითელი ფერი სიყვარულსა და ენერგიას უკავშირდება, სწორედ ამიტომ ექსპერტები არ გვირჩევენ ამ ფერის ისეთ ოთახში გამოყენებას, სადაც დასვენებას და სიმყუდროვის ძებნას ვცდილობთ.
ნარინჯისფერი
![](https://www.homeis.ge/wp-content/uploads/2023/12/clip_image00150.jpg)
ნარინჯისფერი ბედნიერებასთან ასოცირდება და განსაკუთრებით უხდება ყვითელ და წითელ კომბინაციებს. სახლში ნარინჯისფერი აქცენტების დამატება დაგეხმარებათ დადებითი ენერგიებისა და ფიქრების შექმნაში.
ყვითელი
![](https://www.homeis.ge/wp-content/uploads/2023/12/Tondro_KW_FB_FINAL_CITRONA_HORIZONTAL-DETAIL-FURNISHED_0532-RT.webp)
ნარინჯისფრის მსგავსად, ყვითელი ფერიც ბედნიერების და მხიარულების შეგრძნებებთან ასოცირდება. ღია ყვითელი ფერი თავდაჯერებულობის ელფერებს გვიქმნის, ხოლო შედარებით მუქი ტონალობები გვეხმარება დამშვიდებაში.
მწვანე
![](https://www.homeis.ge/wp-content/uploads/2023/12/Green-1.jpg)
მწვანე ბუნების ფერია და სიწყნარესა და სიმყუდროვეს უკავშირდება. ამ ფერს სახლში ტყისა და მწვანე მცენარეების განწყობა მოაქვს. ამას გარდა, სიმწვანე ახალი დასაწყისის სიმბოლოს წარმოადგენს.
ცისფერი
![](https://www.homeis.ge/wp-content/uploads/2023/12/404280816_788130343325903_2951649066486535976_n.jpg)
ეს ფერი ჰარმონიის შეგრძნებებს აღვიძებს და ამავდროულად ნდობისა და გულწრფელობის ხასიათს გვიქმნის.
იისფერი
![](https://www.homeis.ge/wp-content/uploads/2023/12/Purple-1.jpg)
იისფერი ხშირად კრეატიულობასთან, სამეფო ცხოვრებასთან და ფანტაზიებთან ასოცირდება. ამ ფერს შეუძლია ჰარმონიის შექმნა და თქვენი მენტალური ჯანმრთელობის გაუმჯობესება.
ვარდისფერი
![](https://www.homeis.ge/wp-content/uploads/2023/12/Pink-1.jpg)
ვარდისფერი რომანტიკის ფერია და იდეალური არჩევანია როგორც საძინებელსა და მისაღებში, ასევე სააბაზანოშიც. ეს ფერი ბავშვობის ნოსტალგიებს გვახსენებს.
ნაცრისფერი
![](https://www.homeis.ge/wp-content/uploads/2023/12/Grey-1.jpg)
ამ ფერს აქვს იმის უნარი, რომ დაგეხმაროთ საქმეზე ფოკუსირებაში, რადგან სიმშვიდის ელფერებს ქმნის და იდეალური ფერია სამუშაო სივრცეებისთვის.
თეთრი
![](https://www.homeis.ge/wp-content/uploads/2023/12/White.jpeg)
ერთი შეხედვით, შესაძლოა, მოსაწყენი ფერი გეჩვენოთ, თუმცა თეთრი ფერი ქმნის თბილ და მინიმალისტურ გარემოს, რომლის მთავარი უპირატესობა ელეგანტური ინტერიერისა და დახვეწილი საცხოვრებლის შექმნაა.
მასალის გამოყენების პირობები