საქართველოში მოგზაურობისას გირჩევთ თბილისთან ახლოს ნამდვილ ევროპულ სოფელს ასურეთს ესტუმროთ , ეს სოფელი არც მეტი არც ნაკლები თვით გერმანელებმა ააშენეს.
ასურეთი ძველი ქართული სოფელი იყო, თუმცა მტრის გამუდმებული შემოსევების გამო დაცარიელდა. 1818 წელს აქ გერმანელი კოლონისტები ჩამოასახლეს. გერმანელებმა ნანგრევებიდან ახალი სოფელი ააშენეს და წმინდა ელისაბედის ხსენების დღეს ოფიციალურად გახსნეს. გერმანულ დასახლებას ელიზაბეტთალი ეწოდა. გერმანელები მიწათმოქმედებასა და მეცხოველეობას მისდევდნენ და მალევე ელიზაბეტთალი სამეურნეო თვალსაზრისით მოწინავე დასახლება გახდა.
მათი შვილები სკოლაში ქართულ ენაზე სწავლობდნენ.
მეორე მსოფლიო ომის დაწყებისთანავე 1941 წელს საქართველოში მცხოვრები გერმანელები მტრებად შერაცხეს და სტალინის ბრძანებით ისინი შუა აზიაში გადაასახლეს , სოფელში კი რაჭველები ჩამოასახლეს და მხოლოდ ის გერმანელები დატოვეს, რომლებიც ქართველებზე იყვნენ დაქორწინებული. ასურეთში შემორჩენილია თეთრი ქვითა და ცემენტით, ლურსმნის გარეშე ნაგები გერმანული სახლები, ლუთერანული ეკლესია კირხე . დიდი მარანი და გერმანელთა სასაფლაო.
დღეს კი ასე გამოიყურება ასურეთი
