ავიაკომპანია Turkish Airlines-ის პილოტი ფრენის დროს, ცაში გარდაიცვალა. თვითმფრინავი საგანგებო რეჟიმში დაჯდა ნიუ-იორკში. ამის შესახებ „ევრონიუსი“ წერს. ეკიპაჟის მეთაური სიეტლიდან სტამბოლისკენ რეისის შესრულების დროს დაიღუპა.
ავიაკომპანიის პრესმდივნის, იაჰია უსტიუნის თქმით, Airbus 350 საბორტო რეგისტრაციით TC-LGR, რომელიც №TK204 რეისს ასრულებდა სიეტლიდან სტამბოლში, როდესაც პილოტმა, კაპიტანმა ილჩეჰინ ფეჰლივანმა შტურვალთან გონება დაკარგა. რადგანაც პირველადმა სამედიცინო დახმარებამ შედეგი არ გამოიღო, ეკიპაჟმა მიიღო გადაწყვეტილება, თვითმფრინავი საგანგებო რეჟიმში დაესვათ, მაგრამ კაპიტანი მანამ გარდაიცვალა, სანამ თვითმფრინავი ხმელეთზე დაეშვებოდა.
