განხილულ იქნა ისეთი მნიშვნელოვანი საკითხები – თუ თქვენი ორგანიზაცია აპირებს, გაიაროს აკრედიტაცია

სამედიცინო მომსახურების ხარისხის გაუმჯობესების არსებული ხედვისა და სამომავლო გეგმების შესახებ გაიმართა სამუშაო შეხვედრა, რომელშიც მონაწილეობდნენ:

გიორგი ფხაკაძე — ორგანიზაციის „აკრედიტაცია საზღვრების გარეშე” პრეზიდენტი;

ზაალ კაპანაძე — სსიპ სამედიცინო და ფარმაცევტული საქმიანობის სახელმწიფო რეგულირების სააგენტოს დირექტორი;

კახაბერ შალიკაძე — სსიპ სამედიცინო და ფარმაცევტული საქმიანობის სახელმწიფო რეგულირების სააგენტოს დირექტორის მოადგილე;

თინათინ ხარძიანი — დევნილთა, შრომის, ჯანმრთელობისა და სოციალური დაცვის სამინისტროს ადმინისტრაციის უფროსი;

სოსო ფილიევი — ჯანდაცვის სამინისტროს წარმომადგენელი;

ნიკოლოზ კობახიძე — სამინისტროს სტატისტიკისა და ანალიტიკის დეპარტამენტის უფროსი;

თეა ბაქრაძე — სამინისტროს პოლიტიკის დეპარტამენტის, ჯანმრთელობის დაცვის პოლიტიკის სამმართველოს მთავარი სპეციალისტი;

ანზორ ჭავჭავაძე — ჯანდაცვის მინისტრის პირველი მოადგილის კონსულტანტი.

შეხვედრაზე განხილული საკითხები

შეხვედრაზე განხილულ იქნა სამედიცინო სერვისების ხარისხის უზრუნველყოფისა და პაციენტების საუკეთესო ინტერესების დაცვის თვალსაზრისით კრიტიკულად მნიშვნელოვანი საკითხები:

საქართველოში სამედიცინო დაწესებულებების აკრედიტაციის დამოუკიდებელი სისტემის ამოქმედება და სამედიცინო პერსონალის უწყვეტი პროფესიული განათლების სისტემის გაძლიერება.

მხარეებმა განიხილეს „საქართველოს აკრედიტაციის ინიციატივის” ფარგლებში უკვე დაგროვილი გამოცდილება: დღეის მდგომარეობით 4 სამედიცინო დაწესებულებამ უკვე გაიარა საერთაშორისო აკრედიტაცია (იხილეთ პროგრამები), ხოლო უწყვეტი სამედიცინო განათლების მიმართულებით დამტკიცებულია 7 საკრედიტო პროგრამა (იხილეთ პროგრამები).

- Advertisement -

შეხვედრაზე მიღებულ იქნა პირველადი კონსენსუსი მომავალი თანამშრომლობის ფარგლების შესახებ ფრანგულ საერთაშორისო ორგანიზაციას — „აკრედიტაცია საზღვრების გარეშე”, დევნილთა, შრომის, ჯანმრთელობისა და სოციალური დაცვის სამინისტროსა და სამედიცინო და ფარმაცევტული საქმიანობის სახელმწიფო რეგულირების სააგენტოს შორის.

აკრედიტაციის გავლა — როგორ დაიწყოთ

თუ თქვენი ორგანიზაცია აპირებს „საქართველოს აკრედიტაციის ინიციატივის” ფარგლებში აკრედიტაციის გავლას, ჩვენ ამ პროცესში დაგეხმარებით. აკრედიტაცია გაიცემა ფრანგული ორგანიზაციის Accréditation Sans Frontières მიერ.

პროცესი არის: ნებაყოფლობითი, გამჭვირვალე, მარტივი, სწრაფი და უფასო.

დასაწყებად გამოაგზავნეთ წერილი Giorgi Pkhakadze-ს მისამართზე info@accreditation.ge და მიუთითეთ შემდეგი ინფორმაცია:

— დაწესებულების დასახელება;
— დაწესებულების ტიპი (საავადმყოფო, ამბულატორიული კლინიკა, დიაგნოსტიკური კლინიკა, ესტეტიკური მედიცინის ცენტრი, სტომატოლოგიური კლინიკა);
— დაწესებულების მისამართი;
— საკონტაქტო ტელეფონი;
— საკონტაქტო ელ. ფოსტა;
— დაწესებულების ხელმძღვანელის სახელი და გვარი;
— ორგანიზაციის ვებგვერდი და/ან Facebook-გვერდი.

- Advertisement -

უწყვეტი სამედიცინო განათლების კრედიტები (CME Credits)

უწყვეტი სამედიცინო განათლების კრედიტების შესახებ დამატებითი ინფორმაცია იხილეთ აქ.

კრედიტ-ქულების მოსაპოვებლად მონაწილემ უნდა:

— სრულად დაესწროს CME ღონისძიებას;
— ღონისძიების დასასრულს სრულად შეავსოს შეფასების კითხვარი;
— უპასუხოს წინასწარ და შემდგომ სატესტო შეკითხვებს — დასკვნითი შეფასების სწორად გაცემული პასუხების წილი უნდა აღემატებოდეს 76%-ს.

მომხსენებლები სრულიად თავისუფალნი არიან თემატიკის არჩევაში — მოხსენებათა სირთულის დონე შეუზღუდავია: მარტივიდან ძალიან რთულამდე.