საბერძნეთის კუნძულ კეფალონიაზე, იონიის ზღვაში, ყოველწლიურად უცნაური და იდუმალი მოვლენა ხდება, რომელსაც ადგილობრივები „სასწაულად“ მოიხსენიებენ. როგორც Primetime.ge იუწყება, „ყოველი წლის მარიამობის წინა საღამოს მთებიდან ჩამოდიან შხამიანი გველები და სწორედ ამ სამლოცველოსთან იკრიბებიან, ტაძარში მორწმუნეებთან ერთად შედიან და წირვას ესწრებიან“.
ადგილს, სადაც ეს მოვლენა ხდება, ხატი „გველის ღვთისმშობელი“ ჰქვია. გადმოცემით, ამ ადგილას ოდესღაც ყოვალდწმინდა ღვთისმშობლის მიძინების სახელობის დედათა მონასტერი მდებარეობდა, თუმცა მეკობრეთა თავდასხმისას მონაზვნები საიდუმლოდ შავ გველებად გადაქცეულან, რათა თავდამსხმელებისგან დახსნილიყვნენ.
ლეგენდის თანახმად, მიუხედავად იმისა, რომ სამლოცველოში მრავალი ხატია განთავსებული, გველები ყოველთვის სწორედ ღვთისმშობლის ხატისკენ მიემართებიან და მასზე გართხმულები ისმენენ ღვთისმსახურებას. ადგილობრივები თვლიან, რომ თუკი გველები რომელიმე წელს არ გამოჩნდნენ, ეს ცუდი ნიშანია და იმ წელს დიდი განსაცდელი უნდა ელოდეთ.
სრული ინფორმაცია: Primetime.ge
QR კოდი
სტატიის ციტირება
შენი ამბები. (2026). საბერძნეთში გველების სასწაული ყოველწლიურად აღესრულება. 30 სექტემბერი, 2026. https://sheniekimi.ge/ambebi/საბერძნეთში-გველების-სას/
