პროფილურ და მისთვის მნიშვნელოვან მიმართულებებზე აბიტურიენტები მე-11 კლასის პროგრამით ჩაირიცხებიან უმაღლესში
განათლებისა და მეცნიერების მინისტრის, გივი მიქანაძის განცხადებით, ცოდნა მოსწავლემ სრულად უნდა მიიღოს საბაზო საფეხურზე, ხოლო X-XI კლასებში უკვე მეტი აქცენტი უნდა გაკეთდეს პროფილურ და მისთვის მნიშვნელოვან მიმართულებებზე.
„რაც შეეხება XII კლასს, ეს რჩება მოსწავლეებისთვის არჩევით კომპონენტად. ერთი მოსწავლის შემთხვევაშიც კი სკოლაში უზრუნველყოფილი იქნება XIl კლასში სწავლება. ამ არჩევანში მოსწავლე და მშობელი არის თავისუფალი“, – აღნიშნა მინისტრმა და დასძინა, რომ „სკოლის საშუალო საფეხური და უმაღლესი საგანმანათლებლო დაწესებულება ერთმანეთთან ისეთ ბმაში უნდა იყოს, რომ მშობელს არ დასჭირდეს დამატებითი რესურსის ხარჯვა მოსწავლის მომზადებაში – უმაღლესში ჩასაბარებელი გამოცდები სრულ თანხვედრაში იქნება იმ პროგრამასთან, რაც სკოლის მე-11 კლასში იქნება შეთავაზებული“.
