ჯანდაცვის საერთაშორისო ექსპერტი, პროფესორი გიორგი ფხაკაძე ამ დღეებში სამშობლოში იმყოფება.
14 ოქტომბრის საღამოს პროფესორმა ფხაკაძემ მედიაჰოლდინგ „შენის“ სარედაქციო კოლეგიას საკუთარ რეზიდენციაში უმასპინძლა — ისტორიულ შენობაში, რომელიც მრავალსაუკუნოვან სასახლეს წარმოადგენს და თბილისის დიდ ისტორიას ინახავს.
შეხვედრაზე დამფუძნებელთან ერთად მედიაჰოლდინგის თანამშრომლებმა განიხილეს სამომავლო გეგმები, მიმდინარე საქმიანობა და მიღწეული წარმატებები. პროფესორმა ფხაკაძემ მადლობა გადაუხადა გუნდს გაწეული შრომისა და პროფესიონალიზმისთვის – აღნიშნა, რომ „შენი“ არის ერთიანი სივრცე, რომელიც ემსახურება საზოგადოებისთვის სანდო, პოზიტიურ და საგანმანათლებლო ინფორმაციის მიწოდებას.
საღამო მეგობრულ და შთამაგონებელ გარემოში წარიმართა.
შეხვედრის მონაწილეებმა ხაზგასმით აღნიშნეს, რომ მედიაჰოლდინგი მომავალშიც გააგრძელებს საზოგადოების ინფორმირებას ჯანდაცვის, განათლებისა და სოციალური პასუხისმგებლობის მიმართულებით.
