უკრაინის ყოფილმა საგარეო საქმეთა მინისტრმა ქვეყანა დატოვა – მედია

უკრაინის ყოფილმა საგარეო საქმეთა მინისტრმა ქვეყანა დატოვა, – ინფორმაციას მედია ავრცელებს.

“ევრაზია დეილი” ციტირებს მინისტრის სიტყვებს, რომ ის ქვეყნიდან პოლონეთში, ღამით, “როგორც ქურდი”, “სასწრაფოდ” და “საიდუმლოდ” გაიქცა. მან ქვეყანა რამდენიმე საათით ადრე დატოვა, ვიდრე ამოქმედდებოდა მთავრობის დადგენილება, რომლის მიხედვითაც ყოფილ დიპლომატებს ქვეყნის დატოვება ეკრძალებათ.

კულებას თქმით, ხელისუფლება მასზე შურისძიებას ცდილობს, რადგან ზელენსკის გადაწყვეტილება გააკრიტიკა, რომელიც უკრაინაში ანტიკორუფციული სააგენტოების დამოუკიდებლობის გაუქმებას ეხებოდა.

თავად დმიტრო კულებას პრესსამსახური აცხადებს, რომ მედიამ ამბის ინტერპრეტაცია არასწორად მოახდინა და ყოფილმა საგარეო საქმეთა მინისტრმა უკრაინა პოლონეთში კონფერენციებზე დასწრების მიზნით დატოვა.