„ლელო – ძლიერი საქართველოს“ ერთ-ერთი ლიდერი ალეკო ელისაშვილი მიიჩნევს, რომ ხაზარაძე-ჯაფარიძის მხრიდან შეწყალებაზე უარის თქმა ტექნიკურად შეუძლებელია.
მისი თქმით, სოციალურ ქსელში წერენ, რომ მამუკა ხაზარაძე და ბადრი ჯაფარიძე ციხიდან არ უნდა გამოვიდნენ და შეწყალებაზე უარი თქვან.
„ასეთი რაღაცა ტექნიკურად არის შეუძლებელი, თუმცა ზოგიერთი დებილისთვის ეს გასაგები არ არის. იმ იდიოტებისთვის, კიდევ ერთხელ ვიტყვი, რომ მამუკამ და ბადრიმ უარი უნდა თქვან და არ გამოვიდნენ, ასეთი რამ ტექნიკურად ვერ მოხდება. არჩევნებში მონაწილეობას გავაგრძელებთ და ზუსტად ამ არჩევნებში უნდა დავუმტვრიოთ ცხვირ-პირი „ქართულ ოცნებას“. ორჯერ ორი ოთხია, რომ ჩვენ გასაბანძებლად იწყალებენ მამუკა ხაზარაძეს და ბადრი ჯაფარიძეს“, – განაცხადა ალეკო ელისაშვილმა.
