რაგბის 20-წლამდელთა მსოფლიო ჩემპიონატი საქართველოში ბრუნდება. მსოფლიო რაგბის ოფიციალური გადაწყვეტილებით, 2026 წლის ჩემპიონატს საქართველო უმასპინძლებს.
ეს არ არის პირველი შემთხვევა, 2017 წელს, 20-წლამდელთა მეათე ჩემპიონატი წარმატებით გაიმართა თბილისსა და ქუთაისში.
მაშინ “აია არენა” და “ავჭალის” სტადიონი ჯგუფურ ეტაპს მასპინძლობდნენ, 2026 წელს ჩემპიონატი კვლავ თბილისსა და ქუთაისში გაიმართება, მაგრამ ამჯერად, მონაწილე გუნდების რაოდენობა 16-მდე გაიზრდება.
