გარემოს ეროვნული სააგენტოს მოკლევადიან პროგნოზის მიხედვით, ქვეყნის მასშტაბით არამდგრადი ამინდი კვლავ შენარჩუნდება.
სინოპტიკოსების პროგნოზით, დასავლეთ საქართველოში ზოგან ძლიერი წვიმა, ხოლო აღმოსავლეთ საქართველოში მოსალოდნელია სეტყვაც. დღეს დედაქალაქში დღის მეორე ნახევრიდან ხანმოკლე წვიმაა ნავარაუდევი. 18 ივნისიდან კი, თბილისში გამოიდარებს და ჰაერის ტემპერატურაც მოიმატებს.
„საქართველოს უმეტეს რაიონში კვლავ მოსალოდნელია ხანმოკლე წვიმა და ელჭექი, დასავლეთ საქართველოში შესაძლებელია ზოგან ძლიერი. აღმოსავლეთ საქართველოში შესაძლებელია სეტყვაც. იქროლებს დასავლეთის მიმართულების ქარი, აღმოსავლეთ საქართველოში ზოგან ძლიერი, მათ შორის თბილისშიც. თბილისში დღის მეორე ნახევარში შესაძლებელია მცირე ხანმოკლე წვიმა, ტემპერატურა +26 გრადუსამდე მოიმატებს. ხვალიდან ნალექების ინტენსივობა კლებულობს, მაგრამ ზოგიერთ რაიონში მაინც შემორჩება მცირე ნალექი”, – განაცხადა სინოპტიკოსმა თამარ გულედანმა.
