მარსის ორბიტაზე მოძრავმა ხელოვნურმა თანამგზავრმა მარსის ვულკან არსია-მონსს უიშვიათესი კადრი გადაუღო.
NASA-ს თანამგზავრმა Odyssey-მ გადაიღო, როგორ არის ამომართული უზარმაზარი ეკვატორული ვულკანი წყლის ყინულის დილის ღრუბლებიდან; წელიწადის ამ დროს, როდესაც წითელი პლანეტა თავის ოდნავ ელიფსურ ორბიტაზე მზისგან ყველაზე შორ წერტილში იმყოფება, ეს მოვლენა მარსისთვის ჩვეულებრივი ამბავია.
არსია-მონსი მიეკუთვნება ვულკანურ კომპლექსს, რომელსაც თარსისის მთებს უწოდებენ — შედგება ერთმანეთთან საკმაოდ ახლომდებარე სამი ფარისებრი ვულკანისკან, მარსის თარსისის რეგიონში. არსია-მონსი სამიდან უმაღლესი მწვერვალია და მისი სიმაღლე დაახლოებით 20 კილომეტრია.
