კანის ფესტივალი მკაცრდება — “შიშველი” კაბები წითელ ხალიჩაზე ოფიციალურად აიკრძალა!
კანის კინოფესტივალის ორგანიზატორებმა, რომლის 78-ე გახსნის ცერემონიაც დღეს ნაპირსამაგრ კრუაზეტზე გაიმართება, პირველად შემოიღეს დრესკოდი სტუმრებისთვის. Daily Mail-ის ინფორმაციით, ამიერიდან ვარსკვლავებს ეკრძალებათ წითელ ხალიჩაზე ზედმეტად გამჭვირვალე და მაცდუნებელი სამოსით გამოჩენა.
უფრო ვრცლად: ფესტივალის ოფიციალურ რეგლამენტში ნათქვამია, რომ “დეკორუმის მიზეზების გამო, შიშველი ტანსაცმელი აკრძალულია წითელ ხალიჩაზე, ისევე როგორც ფესტივალის ნებისმიერ სხვა ტერიტორიაზე”. ასევე, აკრძალულია მოცულობითი სამოსი, განსაკუთრებით ის, რაც ხელს უშლის სტუმრების გადაადგილებას ან ართულებს თეატრში დასხდომას.
გალა ჩვენებებზე, რომლებიც ძირითადად 19:00-დან 22:00 საათამდე იმართება Grand Théâtre Lumière-ში, სტუმრებს მოეთხოვებათ საღამოს ფორმალური სამოსი. ქალებისთვის ეს შეიძლება იყოს გრძელი კაბა, კოქტეილის კაბა ან მუქი ფერის შარვლის კოსტუმი, ხოლო მამაკაცებისთვის — მუქი ფერის კოსტუმი პეპელა ჰალსტუხით ან მუქი ფერის ჰალსტუხით. სპორტული ფეხსაცმელი, მათ შორის კედები, აკრძალულია; დაშვებულია მხოლოდ ელეგანტური ფეხსაცმელი ან სანდლები.
ცვლილებების მიზეზები და რეაქციები
ახალი დრესკოდის დაწესება უკავშირდება წარსულში მომხდარ რამდენიმე სკანდალს, მათ შორის 2022 წელს ტოპლეს პროტესტს და 2025 წლის გრემის დაჯილდოებაზე ბიანკა სენსორის გამჭვირვალე სამოსს . ფესტივალის ორგანიზატორები ხაზს უსვამენ, რომ მათი მიზანი არ არის მოდის კონტროლი, არამედ ფრანგული კანონმდებლობის დაცვა და ფესტივალის ელეგანტური იმიჯის შენარჩუნება.
#drpkhakadze #გიორგიფხაკაძე #pitskhelauri #აქხარისხია
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
