Whisky Days თბილისში — ექსპრო ჯორჯია მასპინძლობს განახლებულ და კიდევ უფრო მასშტაბურ ვისკის ფესტივალს. ღონისძიება 2025 წლის 17-18 მაისს გაიმართება და წელს კიდევ უფრო ფართო ფორმატით წარდგება სტუმრების წინაშე.
ფესტივალის თანაორგანიზატორის, ვლადიმერ თიბილაშვილის განცხადებით, “Whisky Days” წელს არა მხოლოდ უცხოურ, არამედ ქართულ მაღალალკოჰოლური სასმელების ბრენდებსაც გააერთიანებს. ღონისძიების ძირითადი ლოკაციები იქნება ექსპრო ჯორჯიას IV, V და VI პავილიონები.
რას სთავაზობენ სტუმრებს თბილისის ვისკის ფესტივალზე 2025 წელს?
- დეგუსტაციები — ფართო არჩევანი უცხოური და ქართული ვისკის, ჯინისა და სხვა ალკოჰოლური სასმელების.
- ცოცხალი მუსიკა — ვიოლინოთი შესრულებული ცოცხალი კონცერტები და ფესტივალური განწყობა.
- მუსიკალური გაფორმება მეორე დღეს — მსუბუქი მუსიკა და სასიამოვნო ატმოსფერო მთელი ღონისძიების განმავლობაში.
- გაცნობა ქართულ ვისკის ბრენდებთან — ახალი ქართული წარმოების მაღალალკოჰოლური სასმელების დეგუსტაცია.
ვლადიმერ თიბილაშვილის თქმით, თბილისში ვისკის კულტურა სულ უფრო პოპულარული ხდება. ქართველი მომხმარებელი ახლა უკვე ხშირად ირჩევს ვისკის როგორც სიამოვნებისთვის და განსხვავებული გამოცდილებისთვის, და არა უბრალოდ ალკოჰოლური სასმელის საყიდლად.
„ბოლო წლებში ვისკი არა მხოლოდ პოპულარული ხდება, არამედ ხალხის კულტურაც იცვლება, სწავლობენ, როგორ უნდა დალიონ ვისკი. ვისკი ჭაჭა და „ვოდკა“ არ არის. ქართველი მომხმარებელი ვისკს აგემოვნებს. საქართველოში ვისკის მოყვარულების რაოდენობა იზრდება, რომელიც არამხოლოდ იმიტომ ყიდულობს ვისკის, რომ სახლში ჰქონდეს, არამედ იმისთვის, რომ ისიამოვნოს ამ სასმლით და რაღაც განსხვავებული მიირთვან“,- თქვა თბილისის ვისკის ფესტივალის თანაორგანიზატორმა, ვლადიმერ თიბილაშვილმა.
ფესტივალისადმი ინტერესი მაღალია როგორც ქართველ სტუმრებს, ასევე უცხოელ ტურისტებს შორის. ბილეთები აქტიურად იყიდება და ღონისძიების შესახებ ინფორმაცია უკვე ბევრ საერთაშორისო ბლოგერსა და მედია პლატფორმაზე გავრცელდა.
Whisky Days თბილისში წელსაც აერთიანებს საუკეთესო ბრენდებს, ნამდვილ ფესტივალურ ატმოსფეროს და სიახლეებს — ამჯერად უკვე განახლებული ფორმატით!
#drpkhakadze #გიორგიფხაკაძე #davidiani #sheniambebi #აქხარისხია
