შემოსავლების სამსახური მიმართავს სადგურის მოედნის ბაზრობის ტერიტორიაზე ხანძრის შედეგად დაზარალებულ მეწარმეებს, ხანძრის შედეგად საკონტროლო-სალარო აპარატების დაზიანების შემთხვევაში, ელექტრონული განცხადებით მიმართონ შემოსავლების სამსახურს, რათა ოპერატიულად მოხდეს სსა-ის მოქმედი/აქტიური სტატუსის გაუქმება და კონკრეტული მოდელის რეგისტრაციიდან ამოღება, – აღნიშნულია შემოსავლების სამსახურის მიერ გავრცელებულ ინფორმაციაში.
აღნიშნული სამსახური სადგურის მოედნის ბაზრობის ტერიტორიაზე ხანძრის შედეგად დაზარალებული მეწარმეებისთვის დამატებითი ინფორმაციას ავრცელებს. მათივე განცხადებით, დაზარალებულ პირებს, ჩამოწერილ და შემდგომ საგადასახადო ორგანოს მიერ დადასტურებულ განადგურებულ საქონელზე, ახალი საგადასახადო ვალდებულებები არ წარმოეშვებათ.
ამასთან, შეახსენებს, რომ გადამხდელის ავტორიზებული გვერდიდან განცხადებით (დაუძლეველი ძალის ზემოქმედების შედეგად განადგურებული/დაკარგული სასაქონლო-მატერიალური ფასეულობების ჩამოწერა) მომართვის შემთხვევაში, მომსახურების საფასურის გადახდის გარეშე 10 სამუშაო დღის ვადაში მოხდება ხანძრის ზემოქმედების შედეგად განადგურებული სასაქონლო-მატერიალური ფასეულობების ჩამოწერა, რაც იმას ნიშნავს, რომ დაზარალებულ პირებს, ჩამოწერილ და შემდგომ საგადასახადო ორგანოს მიერ დადასტურებულ განადგურებულ საქონელზე, ახალი საგადასახადო ვალდებულებები არ წარმოეშვებათ.
მეწარმე სუბიექტებმა ელექტრონულ განცხადებასთან ერთად, უნდა წარმოადგინონ ინფორმაცია, რომელშიც აღწერილი იქნება საქონლის დასახელება, ზომის ერთეული, რაოდენობა, განადგურებული საქონლის სააღრიცხვო ღირებულება და უფლებამოსილი ორგანოს მიერ გაცემული ცნობა, რომლითაც დასტურდება ხანძრის ფაქტი“, – აღნიშნულია გავრცელებულ ინფორმაციაში.
