აშშ-ის პრეზიდენტმა, დონალდ ტრამპმა დაადასტურა, რომ რუსეთის წარმომადგენელი აშშ-ში იმყოფება მოლაპარაკებებისთვის.
დონალდ ტრამპმა განაცხადა, რომ ევროპას არ გამოუვიდა რუსეთის პრეზიდენტ ვლადიმირ პუტინთან მოლაპარაკებების წარმოება უკრაინაში ომის დასრულების მიზნით.
„ევროპა წარუმატებელი იყო პრეზიდენტ პუტინთან ურთიერთობაში, მაგრამ ვფიქრობ, მე წარმატებული ვიქნები. ჩვენ გვყავს წარმომადგენელი რუსეთიდან. ჩვენ ვსაუბრობთ ომის დასრულებაზე. გვსურს, რომ ეს რაც შეიძლება მალე შეწყდეს, რადგან ათასობით ადამიანი იღუპება კვირაში. ძირითადად ჯარისკაცები, უკრაინელი ჯარისკაცები და რუსი ჯარისკაცები. ჩვენ წამყვან როლს ვასრულებთ ამის დასრულების მცდელობაში. მხოლოდ იმას გეტყვით, რომ მიმდინარეობს ბევრი კარგი საუბარი უკრაინასა და რუსეთზე“, – განაცხადა აშშ-ის პრეზიდენტმა.
ამასთან, დონალდ ტრამპის განმარტებით, ის ესაუბრა ისრაელის პრემიერ-მინისტრ ბენიამინ ნეთანიაჰუს და შესაძლოა, ისრაელის ლიდერი მომავალ კვირას აშშ-ს ეწვიოს. ნეთანიაჰუს ოფისის ცნობით, ისრაელის პრემიერი ტრამპს უნგრეთის პრემიერ-მინისტრ ვიქტორ ორბანთან ერთად ესაუბრა, რათა განეხილათ ბუდაპეშტის გამოსვლა სისხლის სამართლის საერთაშორისო სასამართლოდან.
Sheni Network
ბმულები, რომლებმაც შეიძლება დაგაინტერესოთ:
- დონალდ ტრამპმა ეკონომიკაში ეროვნული საგანგებო მდგომარეობა გამოაცხადა
- დონალდ ტრამპი ფიქრობს, რომ ილონ მასკი თანამდებობას „რამდენიმე თვეში“ დატოვებს
ამ სტატიის ციტირება (Vancouver)
SheniAmbebi.ge. ,,აშშ-ში ჩამოსულია რუსეთის წარმომადგენელი და ვსაუბრობთ ომის დასრულებაზე” – დონალდ ტრამპის სკანდალური განცხადება [Internet]. თბილისი: Sheniekimi/ambebi.ge; 2025 [ციტირებულია: 2026 სექ 6]. ხელმისაწვდომია: https://sheniekimi.ge/ambebi/%e1%83%90%e1%83%a8%e1%83%a8-%e1%83%a8%e1%83%98-%e1%83%a9%e1%83%90%e1%83%9b%e1%83%9d%e1%83%a1%e1%83%a3%e1%83%9a%e1%83%98%e1%83%90-%e1%83%a0%e1%83%a3%e1%83%a1%e1%83%94%e1%83%97%e1%83%98%e1%83%a1/
sheniekimi.ge/ambebi
