“ეს ამბავი ყველასთვის თავზარდამცემი იყო, მამამთილმა გააღო კარი და ნახა, რომ…” – რას ჰყვება ქალი სკივრის გასაღებზე, რომელიც დიდი ისტორიის მთავარი ნაწილი გახდა

იმედი და სასწაულის მოხდენის რწმენა – ეს არის იმ ამბის საძირკველი, რომელმაც მცხეთიდან 190 კილომეტრით დაშორებულ სოფელ ივლიტში 3 წლის მარიამი დედასთან ერთად მოიყვანა.

ლეგენდის თანახმად, ბავშვებს, რომელთაც მეტყველების პრობლემები აქვთ, პირზე კლიტე ადევთ, ივლიტას სასწაულმოქმედი გასაღები კი სწორედ ამ ლეგენდის რეალური გაგრძელებაა.

ამ გზას სოფელ ივლიტამდე მივყავართ. ის ახალციხის მუნიციპალიტეტიდან 3 კილომეტრითაა დაშორებული.

ანა პირმისაშვილის თქმით, სასწაულის ან გჯერა, ან არა. თუ ღმერთის გწამს, გასაღები და ლოცვა შედეგს აუცილებლად გამოიღებს.

ივლიტას ღვთისმშობლის ტაძრის ეზოში “პალიტრავიდეოს” გადამღები ჯგუფი რიტუალს დაესწრო.

გასაღების მცველი ვახტანგ ვარდიძე იმ ისტორიას გვიყვება, რომელსაც ფესვები წარსულში აქვს და 1989 წლიდან იწყება.

ადამიანი, რომელიც ახლა სხვებს ეხმარება, ბევრი სასწაულის მომსწრეა, თუმცა გასაღების ღვთიური ძალა მის ოჯახშიც დატრიალდა და როგორც თვითონ ამბობს, მამამისს „დაბმული ენა გაუხსნა“.