აშშ-ში, ლოს-ანჯელესში, 43 წლის ცნობილი ფიტნეს-ბლოგერი, მიგელ ანხელი დაიღუპა. მას სამი თვის წინ, მისი სახლის ძარცვის მცდელობის დროს თავში ესროლეს. ინფორმაციას dailymail-ი ავრცელებს.
მედიის ცნობით, 43 წლის მამაკაცის გარდაცვალების შესახებ შაბათს გახდა ცნობილი, მანამდე ის კლინიკაში იმყოფებოდა.
ანხელის სახლში, 3 თვის წინ, 4 შეიარაღებული პირი შეიჭრა. ისინი მისგან და მისი მეუღლისგან ძვირფასეულობას და ფულს ითხოვდნენ, რა დროსაც მათ შორის ჩხუბი მოხდა და ერთ-ერთმა მძარცველმა ანხელს ესროლა. ის კლინიკაში კრიტიკულ მდგომარეობაში გადაიყვანეს.
დაპირისპირების დროს ერთ-ერთი მძარცველი სასიკვდილოდ დაიჭრა. თავდასხმის საქმეზე დაკავებულია 3 პირი.
მიგელ ანხელს სოციალურ ქსელებში თავის გამომწერებს ფიტნესისა და მეწარმეობის შესახებ რჩევებს აძლევდა.
QR კოდი
სტატიის ციტირება
შენი ამბები. (2024). აშშ-ში, 43 წლის ცნობილი ფიტნეს-ბლოგერი დაიღუპა. 24 დეკემბერი, 2024. https://sheniekimi.ge/ambebi/აშშ-ში-43-წლის-ცნობილი-ფიტნე/
