პაციენტთა კმაყოფილების კვლევის პროცესში აქტიურად ჩაერთო ბათუმის სამედიცინო გაერთიანება „მედცენტრი“, რომელშიც შედის კლინიკები:
- შპს ,,მაღალტექნოლოგიური ჰოსპიტალი მედცენტრი” (პუშკინის ქუჩა)
- შპს ,,მაღალტექნოლოგიური ჰოსპიტალი მედცენტრი (ბაგრატიონის ქუჩა)
- შპს ,,სოლომედი”
- შპს ,,ინოვაციური მედიცინის საუნივერსიტეტო კლინიკა”
- შპს “საოჯახო მედიცინის რეგიონული ცენტრი”
გადადით ბმულზე – https://www.facebook.com/share/p/Np3cu5tEtdPK5hFu/?mibextid=WC7FNe
გადადით ბმულზე – https://www.facebook.com/share/p/yjLGzWkoQvx8PcDx/?mibextid=WC7FNe
აღნიშნულ კლინიკებში, გარდა პაციენტთა კმაყოფილების კვლევისა, ასევე იქმნება „პაციენტთა საბჭოები“, რომელთა პირველი შეხვედრა 27 ივნისს ქალაქ ბათუმში გაიმართება.
პაციენტები რეგულარულად – თვეში ერთხელ შეიკრიბებიან და იმსჯელებენ პაციენტთა კვლევის შედეგად გამოკვეთილ საკითხებზე, რადგანაც ეს მნიშვნელოვანი იქნება კლინიკის განვითარებისთვის. „პაციენტთა საბჭოების“ შეკრებას დაესწრება პაციენტთა საბჭოების სამდივნოს ხელმძღვანელი, იოსებ დემეტრაშვილი და მედიაჰოლდინგ „შენის“ რედაქტორი თათია გოჩაძე. აქვე აღვნიშნავთ, რომ „შენი ექიმი“ აქტიურად გააშუქებს ყველა კლინიკაში პაციენტთა ჩართულობის საკითხს.
პაციენტების ჩართულობა კლინიკების განვითარების პროცესში, საქართველოს ისტორიაში სიახლეა და მიმართულია ჯანდაცვის ხარიხსის გაუმჯობესებისკენ.
სამედიცინო გაერთიანება „მედცენტრი“ საერთაშორისო აკრედიტაციის პროცესს გადის მსოფლიოში ერთ-ერთი უმსხვილესი მააკრედიტირებელი ორგანიზაციის – „აკრედიტაცია კანადის“ სტანდარტების მიხედვით და პაციენტთა ჩართულობა კლინიკის განვითარების პროცესში სწორედ დასავლური სტანდარტის უმაღლესი ხარისხია. ამიტომ სამედიცინო გაერთიანება „მედცენტრის“ მხრიდან ეს გადადგმული ნაბიჯი საზოგადოების ინტერესებსა და სამედიცინო სერვისის მიწოდების ხარისხის ამაღლებაზეა ორიენტირებული.
აქვე აღსანიშნავია, რომ პაციენტთა კმაყოფილების კვლევა მიმდინარეობს საქართველოს 20-ზე მეტ კლინიკაში. ყველა ეს კლინიკა საერთაშორისო აკრედიტაციის პროცესს გადის „აკრედიტაცია კანადის“ ჩართულობით, რომლის წარმომადგენელიც საქართველოში გახლავთ ჯანდაცვის საერთაშორისო ექსპერტი, პროფესორი გიორგი ფხაკაძე.
აქვე გაცნობებთ, რომ „პაციენტთა საბჭოების“ პირველი შეხვედრა უკვე გაიმართა კლინიკებში: „პინეო“ და „ვივამედი“. ასევე პირველი შეხვედრა დაგეგმილია ქუთაისის „ჯანმრთელობის ეროვნულ ორგანიზაციასა“ და ქუთაისის საეკლესიო საავადმყოფო „ქსენონში“. აღნიშნულ შეხვედრებს, ასევე, დაესწრებიან პაციენტთა საბჭოს სამდივნოს ხელმძღვანელი, იოსებ დემეტრაშვილი და მედიაჰოლდინგ „შენის“ რედაქტორი, თათია გოჩაძე.
ცნობისთვის: „პაციენტთა საბჭო“ შიქმნება ყველა იმ კლინიკაში, რომლებიც საერთაშორისო აკრედიტაციის პროცესს გადიან მსოფლიოში ერთ-ერთი უმსხვილესი მააკრედიტირებელი ორგანიზაციის „აკრედიტაცია კანადის“ ჩართულობით. აღნიშნული ინიციატივა ეფუძნება დასავლურ სტანდარტებს და მოტივირებულია ჯანდაცვის მომსახურების ხარისხის გაუმჯობესების მისაღწევად.
რაც შეეხება პაციენტთა კმაყოფილების კვლევას, აღნიშნული გამოკითხვა უკვე ტარდება ყველა იმ კლინიკაში, რომელიც ასევე აკრედიტაციის პროცესს გადის „აკრედიტაცია კანადის“ სტანდარტების მიხედვით. გამოკითხვა შესაძლებელია QR კოდის დასკანერების საშუალებით, რომელიც განთავსებულია ყველა აღნიშნულ კლინიკაში და ასევე ვებპორტალზე – sheniekimi.ge.
გამოკითხვა მომზადებულია და ტარდება ,,საქართველოს საზოგადოებრივი ჯანდაცვის ინსტიტუტის” მიერ საერთაშოროსო ,,აკრედიტაცია კანადის” (Accreditation Canada)-ის სტანდარტების მიხედვით სამედიცინო დაწესებულების მომსახურების ხარისხის გაუმჯობესების მიზნით.
კვლევის მიზანია, პაციენტის სამედიცინო მომსახურების გაწევის/მიღების პროცესის შესწავლა; არსებული სამედიცინო მომსახურების, საერთაშორისო ხარისხის სტანდარტების შესაბამისად გაუმჯობესება; საჭირო სტანდარტების დანერგვის აუცილებლობის და საჭიროების გამოვლენა; შესაბამისი რეკომენდაციების შემუშავება.
მკვლევარი: საერთაშორისო აკრედიტაცია კანადის წარმომადგენლი საქართველოში ექიმი პროფესორი, გიორგი ფხაკაძე.
აღსანიშნავია, რომ გამოკითხვა ანონიმურია და რესპონდენტის იდენტიფიცირება შეუძლებელია. კითხვარის შევსების დროს პირადი მაიდენტიფიცირებელი მონაცემები არ ივსება. შევსებული ინფორმაცია კონფიდენციალური და ორიენტირებულია მხოლოდ შედეგზე, რაც გულისხმობს სამედიცინო მომსახურების მიწოდების ხარისხის შესწავლას და გაუმჯობესებას… ანონიმურობა დაცული იქნება კვლევის ყველა ეტაპზე.
