საქართველოში უცხოელების კურიერად დასაქმების საკითხი უკვე დიდი ხანია, რაც ამ სფეროში მომუშავე ქვეყნის მოქალაქეებისთვის მეტად აქტუალურია, მაგრამ აღნიშნულ საკითხზე თითქმის არავინ საუბრობს.
„საქართველოში მომუშავე უცხოელი კურიერების უმეტესობამ ჩვენი ენა თითქმის არ იცის. უმეტეს შემთხვევებში უჭირთ სწორ მისამართზე შეკვეთის მიტანა და იკარგებიან, ამიტომ თუ შეგვიძლია, ვეხმარებით ხოლმე“, – ამბობს თბილისში მომუშავე ქართველი საკურიერო კომპანიის კურიერი.
ამის გარდა, რესპონდენტი აღნიშნავს, რომ საქართველოში ძალიან ბევრი ეროვნების ადამიანი იწყებს კურიერად მუშაობას და ისინი მზად არიან, რომ ნებისმიერი შეკვეთა, ნებისმიერი ანაზღაურების სანაცვლოდ მიიტანონ სხვადასხვა ლოკაციაზე, რაც ხელს უშლის ქართველ კურიერებს მუშაობაში.
****
საქართველოს სტატისტიკის ეროვნული სამსახურის ცნობით, 2024 წლის თებერვალში, წინა თვესთან შედარებით, მშენებლობის ღირებულების ინდექსი 2.6%-ით გაიზარდა.
საქსტატის შეფასებით, ცვლილება განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 16.7%-იანი ზრდით, რამაც 2.84 პროცენტული პუნქტი შეიტანა ჯამური ინდექსის ცვლილებაში.
აღსანიშნია ისიც, რომ წინა წლის ანალოგიურ თვესთან შედარებით მშენებლობის ღირებულების ინდექსი 9.9%-ით გაიზარდა.
****
საფრანგეთი კანონპროექტს ამზადებს, რომელიც სამსახურში თმის სტრუქტურის, სიგრძის, ფერის ან სტილის მიხედვით ყოველგვარ დისკრიმინაციას კრძალავს.
დოკუმენტი ეროვნულმა ასამბლეამ უკვე მიიღო და განსახილველად სენატს გადაეგზავნა.
კანონმდებლების განცხადებით, ბევრ ადამიანს მთელი ქვეყნის მასშტაბით სამუშაო გასაუბრებამდე თმის ვარცხნილობის შეცვლა უწევს. ამდენად, ახალი კანონი აკრძალავს ადამიანების დისკრიმინაციას ხუჭუჭა, შეღებილი თმის ან სხვა ვარცხნილობის მიხედვით, რომელიც ამჟამად არაპროფესიონალურად აღიქმება. კანონი ასევე მელოტ ადამიანებს დაიცავს.
*****
გუდაური -კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია. ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.
მათივე ცნობით, თოვის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური (ფოსტა)-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.
****
მივიღეთ უდიდესი მხარდაჭერა, როგორც საქართველოს სათხილამურო ფედერაციისგან, ასევე მთის ტრასების სააგენტოდან – ჩვენ მოუთმენლად ველით დაბრუნებას,- ამის შესახებ საერთაშორისო სათხილამურო ფედერაციის წარმომადგენელმა, პიტერ კროგოლმა განაცხადა.
მისივე თქმით, სნოუბორდში ახალგაზრდული მსოფლიო ჩემპიონატისას მიიღეს ძალიან სამართლიანი პირობები და საინტერესო ღონისძიებები.
****
ამ ერთი კვირის განმავლობაში, სათაურის გარდა სხვა არაფერზე მოგვისმენია არც არგუმენტი, არც საუბარი, – ასე გამოეხმაურა ფინანსთა მინისტრი ლაშა ხუციშვილი „უცხოური გავლენის გამჭვირვალობის შესახებ“ კანონპროექტთან დაკავშირებით დასმულ კითხვას. როგორც ხუციშვილი განმარტავს, დისკუსიები კონკრეტულ რეგულაციებთან მიმართებით უნდა შედგეს და არა ზოგადად.
„საუბარი აგენტის იარლიყის მიწებებაზე არ არის. ვფიქრობ, ამ ნაწილში მნიშვნელოვანია ის, რომ სათაურს გავცდეთ და საუბარი შინაარსზე დავიწყოთ, მათ შორის ჩვენს საერთაშორისო პარტნიორებთან ერთად.“-განაცხადა ხუციშვილმა
****ნატო-ს გენერალური მდივნის მოადგილის, მირჩა ჯოანას განცხადებით, ალიანსი მზად უნდა იყოს იმისთვის, რომ რუსეთი გაააქტიურებს კიბერშეტევებისა და დეზინფორმაციის კამპანიებს ევროპულ არჩევნებზე გავლენის მოხდენის და მოსკოვისთვის უფრო მომგებიანი პოლიტიკური ძალებისთვის უკეთესი შედეგების უზრუნველყოფის მიზნით, – ინფორმაციას უკრაინული მედია ავრცელებს.
მირა ჯოანას თქმით, იმის გასაცნობიერებლად, თუ როგორი შეიძლება იყოს რუსული გავლენის მცდელობები, უნდა შეხედო, რა ხდება მოლდოვაში.
*****
თბილისის საბავშვო ბაგა-ბაღების მართვის სააგენტოსა და საერთაშორისო ორგანიზაციის „გადავარჩინოთ ბავშვები“ შორის არსებული თანამშრომლობა 2024-2025 წლებში კიდევ უფრო გაღრმავდება. თანამშრომლობის ფარგლებში, ახალი, ერთობლივი პროექტები განხორციელდება.
თბილისის მერიის ინფორმაციით, ორწლიანი თანამშრომლობის მემორანდუმს სააგენტოს ხელმძღვანელმა, კახა აბულაძემ და ორგანიზაცია Save the Children-ის საქართველოს ოფისის ხელმძღვანელმა, თამარ გოლუბიანმა მოაწერეს ხელი.
***
ავიაკომპანია „ჯორჯიან ეარ ვეისი“ 20 აპრილიდან ისრაელის მიმართულებით პირდაპირ ფრენებს განაახლებს. „ჯორჯიან ეარ ვეისის“ ინფორმაციით, პირდაპირი რეისები თელ-ავივის მიმართულებით თბილისის საერთაშორისო აეროპორტიდან ყოველდღე შესრულდება.
„ერთი გზის ავიაბილეთის ღირებულება 140 ევროდან იწყება და ავიაბილეთები ხელმისაწვდომია ავიაკომპანიის ვებ-საიტზე, გაყიდვების ოფისებსა და პარტნიორ სააგენტოებში“, -აღნიშნულია ინფორმაციებში.
***
მთავრობამ ფიზიკური პირებისთვის საგადასახადო ამნისტიის გამოცხადების გადაწყვეტილება მიიღო.
როგორც პრემიერ-მინისტრმა ირაკლი კობახიძემ მთავრობის სხდომაზე განაცხადა, შესაბამისი კანონის მიღების შედეგად 145 ათასს ფიზიკურ პირს ჯამში, 590 მილიონი ლარის ოდენობის საგადასახადო დავალიანება ჩამოეწერება.
კობახიძემ გადაწყვეტილების მომზადებისთვის ფინანსთა მინისტრს მადლობა გადაუხადა.
***
შრომის ინსპექციის სამსახურის წარმომადგენლებმა თბილისის სახელმწიფო უნივერსიტეტში საჯარო ლექცია სახელწოდებით „შრომის ინსპექტორი“ ჩაატარეს. აღნიშნულ ინფორმაციას შრომის ინსპექციის სამსახური ავრცელებს.
მათი ცნობით, ინტერაქციულ შეხვედრაზე, ყველა იმ ძირითადი მიმართულების შესახებ ისაუბრეს, რაც უწყების მანდატში შედის, მათ შორის ტრეფიკინგის, შრომის ზოგადი უფლებებისა და უსაფრთხო სამუშაო გარემოს მნიშვნელობის შესახებ.
***
ისრაელის თავდაცვის ძალები შორსაა ღაზის სექტორში სამხედრო ოპერაციების შეწყვეტისგან, – ამის შესახებ ისრაელის თავდაცვის ძალების გენერალური შტაბის უფროსმა, გენერალმა ჰერცი ჰალევიმ განაცხადა.
“ღაზის სექტორში „ჰამასის“ არცერთ ბრიგადას არ დავტოვებთ აქტიურს. ჩვენ გვაქვს გეგმები და ვიმოქმედებთ, როცა გადავწყვეტთ”, – განაცხადა ჰალევიმ.
