ბათუმში, კერძო სკოლაში „პროგრესი” სასწავლო პროცესი ამ ეტაპზე შეჩერებულია.
არსებული ინფორმაციით, შენობაში ასაფეთქებელი მოწყობილობის შესახებ შეტყობინება შევიდა.
სასწავლო დაწესებულებაში „ფორტუნას“ დაუდასტურეს, რომ შენობიდან პედაგოგებისა და მოსწავლეების ევაკუაცია განხორციელდა.
მათი ცნობით, ნაღმის არსებობის შესახებ შეტყობინება სკოლის კიდევ ორ, ქუთაისსა და თბილისში არსებულ ფილიალებში შევიდა.
