ხალხურ მედიცინაში ბავშვის სქესის დაგეგმვის არაერთი მეთოდი არსებობს და წლების განმავლობაში, სხვადასხვა გზას ქალები პრაქტიკაში იყენებდნენ. ერთ-ერთი მეთოდის თანახმად, იმისათვის, რომ ბიჭი დაიბადოს, ინტიმური ურთიერთობის დროს თავით ჩრდილოეთისკენ, ხოლო გოგონას დაბადების სურვილის შემთხვევაში, თავით სამხრეთისკენ უნდა დაწვეთ. თუმცა, როგორც აღვნიშნეთ, ეს მხოლოდ ერთ-ერთი ხალხური მეთოდია.
უძველესი ჩინური ტრადიციებიც არსებობს, რომლებსაც, წყაროების მიხედვით, ბავშვის სქესის პროგნოზირება დედის ასაკისა და ჩასახვის თვის მიხედვით შეუძლია. მიუხედავად იმისა, რომ ჩინური ორსულობის კალენდარი სამეცნიერო მტკიცებულებებზე არ არის დაფუძნებული, ჩინურ კულტურაში ბავშვის სქესის პოპულარულ და ტრადიციულ მეთოდად რჩება.
ჩინური ორსულობის კალენდრის წარმოშობის ისტორია:
ლეგენდა ამბობს, რომ 700 წელზე მეტი ხნის წინ ეს კალენდარი სამეფო სამარხში აღმოაჩინეს. მისი სიზუსტის შესახებ ხმების გავრცელებასთან ერთად, კალენდარი სულ უფრო პოპულარული ხდებოდა.
კალენდარმა ჩინეთის პატრიარქალური კულტურული ტრადიციის გამო, განსაკუთრებული პოპულარობა მოიპოვა, რადგანაც, მათ ტრადიციაში და არა მხოლოდ მათთან, ვაჟის ყოლა ბევრად უფრო სასურველი იყო. დღესდღეობით კალენდარი მხოლოდ გასართობად გამოიყენება და განსაკუთრებული პრაქტიკული დანიშნულება აღარ აქვს, თუმცა მას პერიოდულად მაინც იხსენებენ.
როგორ გამოვიყენოთ ეს კალენდარი:
ორსულობის ჩინური კალენდრის გამოყენებას თავისი პირობები აქვს: პირველ რიგში, გასათვალისწინებელია დედის ასაკი და ბავშვის ჩასახვის თვე. ქვემოთ მოცემულ ცხრილში ხედავთ, რომ მარცხნივ, სვეტში, დედის ასაკია ჩამოწერილი, მის პარალელურად კი, თვეებია აღნიშნული. ამ სვეტებისა და რიგების კვეთის გამოყენებით, შეგიძლიათ ბავშვის სქესი დაგეგმოთ ან გაარკვიოთ, ვინ გეყოლებათ. ვარდისფერი გრაფა, პირობითად, გოგონას აღნიშნავს, ცისფერი კი – ბიჭს.
