„კარგი შემოსავალი, ლამაზი სახლი და კაპრიზე დასვენება ჩემი ბედნიერებისთვის საკმარისი არ იყო, ვა-ბანკზე წავედი“ – რას წერს დემნა გვასალია

„ბალენსიაგას“ შემოქმედებითი დირექტორი, ქართველი დიზაინერი დემნა გვასალია სოციალურ ქსელში პოსტს აქვეყნებს და წერს, რომ კარგი შემოსავალი, ლამაზი სახლი და კაპრიზე დასვენება მისი ბედნიერებისთვის საკმარისი არ არის.

„როდესაც ჩემს მშობლებს ვუთხარი, რომ Louis Vuitton-იდან წამოსვლას ვაპირებდი, მათი რეაქცია იყო: „გაგიჟდი? საოცნებო სამსახური გაქვს!“, მაგრამ კარგი შემოსავალი, ლამაზი სახლი და კაპრიზე დასვენება ჩემი ბედნიერებისთვის საკმარისი არ იყო. ჩემს გონებაში კრეატიული აჯანყება ხდებოდა, ამიტომ წავედი ვა-ბანკზე. ვფიქრობდი, რომ ან ყველაფერი მექნება, ან არაფერი”, – წერს დემნა გვასალია.