მეცნიერებმა მზის ატმოსფეროში პოლარული ციალის მსგავსი გამოსხივება დააფიქსირეს.
მზის ფოტოსფეროში სწრაფად მზარდი ლაქის თავზე, დაახლოებით 40 000 კმ სიმაღლეზე, ასტრონომთა ჯგუფმა აქამდე ჯერ არნახული ტიპის ხანგრძლივი რადიოგამოსხივება ჩაიწერა. ჯგუფს ნიუ-ჯერსის ტექნოლოგიური ინსტიტუტის მკვლევარი სიე იუ ხელმძღვანელობდა.
მზე ყველა სახის რადიაციას გამოყოფს, მაგრამ მკვლევართა განცხადებით, ეს შემთხვევა სხვას არაფერს ჰგავდა, თუ არა პოლარულ ციალს.
„დავაფიქსირეთ მზის ლაქებიდან მომდინარე პოლარიზებული რადიოანთებების ხანგრძლივი გამოსხივების განსაკუთრებული ტიპი, რომელმაც კვირაზე დიდხანს გაძლო. ის სრულიად განსხვავდება ტიპური, გარდამავალი რადიოანთებებისგან, რომლებიც როგორც წესი, წუთებს ან საათებს გრძელდება. ამაღელვებელი აღმოჩენაა, რომელმაც შეიძლება, შეცვალოს ჩვენი წარმოდგენა ვარსკვლავური მაგნიტური პროცესების შესახებ“, — ამბობს იუ.
QR კოდი
სტატიის ციტირება
შენი ამბები. (2023). მზეზე პოლარული ციალის მსგავსი გამოსხივება დააფიქსირეს. 16 ნოემბერი, 2023. https://sheniekimi.ge/ambebi/mzeze-polaruli-tsialis-msgavsi-gamoskhiveba-daaphiqsires/
