სამედიცინო და ფარმაცევტული საქმიანობის რეგულირების სააგენტომ მიმდინარე წელს 62 აფთიაქში უკანონო ფარმაცევტული საქმიანობის 258 ფაქტი გამოავლინა.
დარღვევების მასშტაბი
ინსპექტირების შედეგად დადგინდა, რომ ფარმაცევტული დაწესებულებები უნებართვოდ და ურეცეპტოდ ახდენდნენ ფსიქოტროპული მედიკამენტების რეალიზაციას. გატარებული ღონისძიებების შედეგად სააგენტომ ავტორიზებული აფთიაქებიდან 11 341 684 ერთეული ფსიქოტროპული მედიკამენტის ურეცეპტოდ რეალიზაციის ფაქტი გამოავლინა. გარდა ამისა, 97 753 ერთეული მედიკამენტი ამოიღეს იმ აფთიაქებიდან, რომლებსაც ფსიქოტროპული საშუალებების რეალიზაციის ნებართვა საერთოდ არ გააჩნდათ.
გატარებული სანქციები
გამოვლენილ დარღვევებთან დაკავშირებით შედგა ადმინისტრაციული სამართალდარღვევის ოქმები და გადაეგზავნა სასამართლოს. 14 ავტორიზებული აფთიაქიდან 8-ს გაუუქმეს ნებართვა, ხოლო 12 ფარმაცევტს საქმიანობის უფლება 3 წლით შეუჩერეს. კანონდარღვევის შესახებ ინფორმაცია ასევე გაეგზავნა ფინანსთა სამინისტროს საგამოძიებო სამსახურს.
გათვალისწინებული ჯარიმები
აღნიშნული უკანონო ფარმაცევტული საქმიანობები დარღვევის სიმძიმის მიხედვით ითვალისწინებს 6 000-დან 16 000 ლარამდე ჯარიმას.
დამატებითი ინფორმაციისთვის იხილეთ: youtube.com/@drpkhakadze
QR კოდი
სტატიის ციტირება
შენი ამბები. (2023). როგორ მალავენ აფთიაქებში აკრძალულ მედიკამენტებს – კადრები. 29 ოქტომბერი, 2023. https://sheniekimi.ge/ambebi/rogor-malaven-aphthiaqebshi-akrdzalul-medikamentebs-kadrebi/
