ზუგდიდის ბოტანიკურ ბაღში “აფხაზეთის მწვანე კუთხე” გაშენდა

• ხის დარგვის საერთაშორისო დღესთან დაკავშირებით, ზუგდიდის ბოტანიკურ ბაღში გარემოსდაცვითი ღონისძიება – “ვრგავთ სიყვარულით აფხაზეთისთვის” გაიმართა.

აფხაზეთის მეომართა კავშირის ინფორმაციით, აქტივობის ფარგლებში გაშენდა „აფხაზეთის მწვანე კუთხე“, სადაც მონაწილეებმა მაგნოლიის ნერგები დარგეს. ამასთანავე, მოეწყო აფხაზეთის ბუნების ამსახველი ფოტოგამოფენა. ღონისძიებაში აფხაზეთიდან დევნილი 30 მოსწავლე მონაწილეობდა.

ინიციატივის მიზანი გარემოსდაცვითი ცნობიერების ამაღლება, ბუნების დაცვის მნიშვნელობის წარმოჩენა და აფხაზეთის ბუნებასთან კავშირის შენარჩუნებაა.