დეკანოზ გიორგი მამალაძის ძმა თორნიკე მამალაძე სოციალურ ქსელში ძმასთან ერთად გადაღებულ ფოტოს აქვეყნებს.
„7 წლის შემდეგ პირველად შეუძლია მხარზე თავი დამადოს და ასე მშვიდად ჩაეძინოს“, – წერს თორნიკე მამალაძე.
ცნობისათვის, დეკანოზი გიორგი მამალაძე 2024 წლის 14 თებერვალს გაათავისუფლეს.
გიორგი მამალაძე ე.წ. ციანიდის საქმეზე 2017 წელს დააკავეს. თბილისის საქალაქო სასამართლომ იგი დამნაშავედ ცნო პატრიარქის მდივან-რეფერენტის, შორენა თეთრუაშვილის შურისძიების მოტივით მკვლელობის მომზადებასა და ცეცხლსასროლი იარაღის უკანონოდ შეძენა-შენახვაში და მას ცხრა წლით თავისუფლების აღკვეთა მიუსაჯა. პირველი ინსტანციის სასამართლოს გადაწყვეტილება სააპელაციო სასამართლომ ძალაში დატოვა, უზენაესმა სასამართლომ კი საქმე წარმოებაში არ მიიღო.
