ამერიკელი კინოვარსკვლავი ტომ კრუზი ახალ რომანტიკულ ურთიერთობაშია. მისი ინტერესის ობიექტი ამჯერად 36 წლის ელსინა ხაიროვაა. როგორც უცხოური ტაბლოიდები იუწყებიან, ხაიროვა რუსი დეპუტატის შვილი და ოლიგარქ დიმიტრი ცვეტკოვის ყოფილი მეუღლეა.
როგორც მედია წერს, 61 წლის კრუზი და 36 წლის ელსინა ხაიროვა გასულ კვირას ლონდონში გალა ვახშამს დაესწრნენ, რომელიც ქალაქის საჰაერო სასწრაფო დახმარების საქველმოქმედო ფონდის მხარდასაჭერად ხუთვარსკვლავიან Raffles Hotel-ში გაიმართა. საღამოს საპატიო სტუმარი იყო პრინცი უილიამი.
კრუზი და მისი ახალი სიყვარული ღონისძიებაზე ცალ-ცალკე მივიდნენ, მაგრამ მეგობრები ამბობენ, რომ ისინი სულ უფრო მეტ დროს ატარებენ ერთად.
წყარო განმარტავს, რომ “ელსინას წრეში ცნობილია, რომ ის და ტომი შეყვარებულები არიან”.
“ბოლო რამდენიმე კვირის განმავლობაში ისინი ძალიან დაახლოვდნენ, მაგრამ ყველაფერს აკეთებენ იმისთვის, რომ მათი საერთო ფოტო არ გავრცელდეს. უნდათ, რომ ბოლომდე შეინარჩუნონ კონფიდენციალურობა.
ტომი ღამით ელსინას ბინაში დარჩა, რომელიც ლონდონში შესანიშნავ ადგილას მდებარეობს. ისინი ბედნიერად ატარებენ დროს და მიუხედავად სიმდიდრისა, ისე ცხოვრობენ, როგორც სხვა, ჩვეულებრივი წყვილები.
ტომი და ელსინა ურთიერთობის შესახებ საჯაროდ ჯერჯერობით არც საუბრობენ და არც დეტალებს აზუსტებენ.
