ჩინეთის სიჩუანის პროვინციიდან წარმოშობილმა ექვსი წლის გოგონამ, ლიან იუნჯიმ, მსოფლიო სპორტულ საზოგადოებაში ნამდვილი სენსაცია მოახდინა — სულ სამი დღის განმავლობაში მან ორჯერ გაამტვრია ქალთა შორის მსოფლიო რეკორდი რუბიკის კუბის (3x3x3) აწყობაში.
რუბიკის კუბის მსოფლიო ასოციაციის (WCA) ოფიციალურად აღიარებულ ორ ცალკეულ შეჯიბრზე ლიანმა ჯერ 4.52 წამიანი საშუალო დრო დააფიქსირა, შემდეგ კი ეს მაჩვენებელი 4.27 წამამდე გააუმჯობესა. ამით ის გახდა ერთადერთი ქალი მსოფლიოში, ვინც 4.5 წამზე ნაკლები საშუალო დრო მიაღწია.
აღსანიშნავია, რომ ლიანი მხოლოდ 6 წლისაა — ასაკი, როცა უმეტეს ბავშვებს ჯერ კიდევ ანბანის შესწავლა უჭირთ. მისი მიღწევა განსაკუთრებით შთამბეჭდავია იმ ფონზე, რომ სპიდქუბინგი (სწრაფი აწყობა) მაღალი კონცენტრაციის, სივრცითი აზროვნებისა და ხანგრძლივი ვარჯიშის მოთხოვნილ დისციპლინას წარმოადგენს.
ბავშვის შესახებ ვიდეომასალა CCTV Asia Pacific-მა გაავრცელა და სოციალურ მედიაში სწრაფად გავირუსდა, საერთაშორისო პრესაში კი ფართო გამოხმაურება ჰპოვა.
Sheni Ambebi News
წყარო: primetime.ge
QR კოდი
სტატიის ციტირება
შენი ამბები. (2026). 6 წლის ჩინელი გოგო რუბიკის კუბის ახალი მსოფლიო რეკორდსმენი გახდა. 23 სექტემბერი, 2026. https://sheniekimi.ge/ambebi/6-წლის-ჩინელი-გოგო-რუბიკის/
