ლიზა ბაგრატიონი ქართული შოუბიზნესის ერთ-ერთი გამორჩეული სახეა. წარმატებული კარიერა, საყვარელი ჰიტები და მუდამ ერთგული მსმენელი მისი ცხოვრების ნაწილია. ლიზას შემოქმედება ბევრი ადამიანისთვის საყვარელი და ახლობელია. ამჟამად ის კომპანია „ბადაგონის“ საზოგადოებასთან ურთიერთობის ხელმძღვანელია, ხშირად ჩანს ტელეეკრანებზეც და აგრძელებს შემოქმედებით მუშაობასაც.
მიუხედავად მშვიდი და სტაბილური სამსახიობო თუ მუსიკალური ცხოვრებისა, მომღერლის პირადი ცხოვრება მუდამ ბობოქარია და გულშემატკივრების ყურადღებას იქცევს. ის ყოველთვის გულწრფელად საუბრობს საზოგადოებასთან ისეთ საკითხებზეც კი, როგორიც მისი ურთიერთობებია. ლიზას ცხოვრებაში სამი მთავარი მამაკაცი იყო. სამივე მათგანს საზოგადოება კარგად იცნობს.
პირველად პატარა ასაკში დაოჯახდა. მისი მეუღლე გიორგი ლეონიძე იყო. წლების წინ ის „პირველი არხის“ გენერალური დირექტორის პოზიციას იკავებდა.
ლიზას ერთადერთი ვაჟი – ირაკლი სინაურიძე ჰყავს, რომელიც გინეკოლოგ ზაზა სინაურიძესთან ქორწინებაში შეეძინა. ლიზა და ზაზა არაერთი წლის მანძილზე იყვნენ დაქორწინებულები, მაგრამ მათი კავშირი სამუდამო არ აღმოჩნდა.
მომღერალი მესამე ქორწინებაში „შვიდკაცას“ წევრ დავით ნოზაძესთან იმყოფებოდა. ისინი ერთმანეთს სწორედ საერთო პროფესიამ დააკავშირა. იქიდან გამომდინარე, რომ წყვილი მალევე დაშორდა, მომღერალმა მედიასთან პირად ურთიერთობებზე საუბარი შეწყვიტა.
მომღერლის ერთ-ერთი ყველაზე გახმაურებული ურთიერთობა მასზე ასაკით პატარა, იმ დროისთვის დამწყებ მუსიკოს გიორგი ცაგარელს უკავშირდებოდა. წყვილს შორის 12-წლიანი სხვაობა იყო, მაგრამ ამას ხელი არ შეუშლია გრძელვადიანი ურთიერთობისთვისა და დიდი სიყვარულისთვის. საზოგადოებამ ამის შესახებ 2014 წელს გაიგო, როცა გიორგიმ ლიზას დაბადების დღეზე სოციალურ ქსელში საერთო ფოტო გამოაქვეყნა და დაწერა: „უზომოდ მიყვარს, დღეს დაბადების დღე აქვს.“ ხანგრძლივი ურთიერთობის მიუხედავად, საზოგადოებამ არცთუ ისე დიდი ხნის წინ გაიგო მათი განშორების შესახებ. მომღერალს ამაზე ხმამაღლა აღარ უსაუბრია. დღემდე უცნობია მათი დაშორების მიზეზი.
მასალის გამოყენების პირობები
